ماني عارف وأيش أكتب من أبيـات
من يوم شفتها و أنا مدري أيش فينـي
ماني عارف وأيش أقول من كلمـات
شفتها ونسيت النوم والنـوم نسينـي
من لون عيونها ضاعت كل العبارات
من يوم شفتها ما قدرت أبعد عينـي
للحين ماني مستوعب ذيك اللحظات
الظاهر أني فيها أنجنيت الله يشفينـي
يوم شفتها تبتسم في وجهي أبتسامات
حسيت الشمس أشرقت ع جبينـي
شفايفهـا وردة لا والله أنها وردات
وخشمها سيف يجرحني و يداوينـي
فديت عيونها وفديت ذيك النظـرات
فديت خدها بروحي وأيامي وسنينـي
صوتها كأنه أنغام وألحان و مقامـات
نادتني و ياويلي عليهـا يوم تنادينـي
صوتها دوا لكل الأوجاع والآهـات
وحضنها الـدافي من دفـاه يدفينـي
شفتهـا ولا شفت مثلها بين البنـات
يازينها ومن زينها ضعت مدري وينـي
أحلف أنها ملكة جمال كل الملكـات
وأنا والله أذا حلفت أصدق في يمينـي
ما أقدر أوصفها بالأشعار والأبيـات
لأني من يوم شفتها مدري أيش يصير فينـي
حاصل على ترخيص من وزارة الثقافه والاعلام السعودي
رد: أكتب أجمل بيت سمعته في حياتك
العرض الشجري