الشاعرالكبير /صلاح مطلق بن بدوي وإليكم قصيدته الترحيبيه
في محل اللابه اللي لها جاه ووجاه = مِــرحبا ترحـــيبةٍ علــي ٍ مـــــقدارهــا
عند ابوعادل نرحب بكل اللي لفاه = من بعـــيد الدار واللي قــريب ديارهــا
شيخٍ معرب مقدر رفيعٍ مــستواه = عاشـــت أحرار ترباء بــعز أوكارهـــــا
من سلايل شايب ٍ ماخسرمنهو نصاه= له مكـــانه مع رجالٍ ط،وال أشبارهــا
شيخنا صلحان عوق الخصيم ليا نواه = ثابـــت مثل الجــبل لو تدور أدوارهـا
وارثٍ شيخة جدوده وله تاج وغناه = والنــــعم بآل بـــدوي قلتها بأشــعارهـــا
روس قومٍ بالليالي كعامٍ للعــــــــداه = تحتمي مـــيقافها كـــــان شـــبة نارهـــا
عيال مظبر سم كبد العدو أيضا عماه= ماربح منهو لـــك الله بشـــرٍ زارهــــا
وارثين منزلة عبس في وقت الغزاه= في جبال أبان والكــــفه اشــــــــــعارها
أفتخر في عبس ربعي على طول الحياه =عبس في وقت المعارك تبيع أعمارها
شامخه برض العروبه كما جبال السراه= المعزه سوق غالي وهم تجـــــارهـــا
الدخيل ليا نصاهم غريمه ماولاه = وللخوي والضيف والجار عـــــذب أمطاها
والقبائل كل منهم ترى قسمه خذاه = كل من سجل فـــعولٍ سمـعنا أذكـــــارها
=وقصيدته الثانيه قالها بالشيخ ابن بدوي
بسم الله ابدا واعوذ بقدرته واستعين== واغوص بحر المعاني واخذ اجزالها
يامرحبا ياهلا ترحيب وافي ثمين== اعدادمـالاح برق الوســــم بخيالـــــها
بضيوف أمير كريم وبالمواقف يبين== مثل الجمل لابرك للحمله اشتالها
أمــير كافة أهل أبانات علم يقين== مـــاهي سواليف مـــن هــا بد ولاطالها
موثقه والحقايق تد مغ الجاحدين== شمس الضحا مـــاتشابه طلـــعت هلالها
صلحان سم على كبود العدا الحاقدين== ناس مــــن الحــقد فال الله ولا فالها
يأهــل الحسد والنميمه كلكم خاسريب== أمارة ابن بدوي من خيرة ارجالها
ورث بدوي قايد السبعه بعسر ولين == اللي حموا مــع سهلهــا شمخ اجبـــالها
بالسيف الاجرد وأخوه الرمح ومدونين== في صفحة العز ذكرى سيرة أبطالها
واللــي لـــــحقهم مـــــن الأقراب ومقدرين == اعيال عــــــم رفيع دوم منــزالها
ربعي هل الجود والطولات في كل حين ==ضلع شموخ وذرا مع راهي اضلالها
وقـــــت اللقاء من حضر يكفي عن الغايبين== مظابره وافتخر واعتز بفعـــالها
للخـــصم جمـــر تلظا بين جفن وعين== اخصامهم في نهار الكون عـــزالها
دليل قولي خناق دمــــــر المعتدين== يــــومن شبه الجزيره توحش أهوالـــها
القاسيــــــه قدم عبــس بشاية الله تلين== الـــعز والطيب ورث اجيال لجالها
والنـاس بالسلم وايضا الحرب متقاربين== قبـــــايل دايم الــــجزلات تسعالها
وصـــــــلاة رب عظيم وخالق العالمين== على محمد عدد مــــــــاهل همالها
حاصل على ترخيص من وزارة الثقافه والاعلام السعودي
رد: تغطية زواج الاستاذ عادل بن مصيلح بن بدوي المظيبري
العرض الشجري