أه واقلبي اللي تجدد جروحه مالقيت دواه
اشهد ان الموده عقايب عسى الله مايعاقبني
جرح قلبي دواه وعلاجه بشوف مناه في دنياه
كل دكتور يوم اشتكي له سبب جرحي يكذبني
مادرى ان الغلا حد مجنون ليلى لين جاب أقصاه
كل ماصاب مجنون ليلى على ليلاه صايبني
أول المعرفه يوم عرض علي كنه يحسب خطاه
لامشى خطوتين التفت وابتسم قصده يعذبني
الخطر صابني من عيون أشقر المجدول واويلاه
مع طريق اتلع الجيد لولا البلاوي ويش جايبني
أقشر ايامي اللي مضت لي نهارا ذقت به فرقاه
كن رمح الزناتي خليفه على السرجوف ضاربني
كن ماخلق في الكون حب ومودة غير انا وياه
راح والروح راحت معه وانهدم قصر الغلا المبني
حاصل على ترخيص من وزارة الثقافه والاعلام السعودي
رد: عـذب القـصيد _ قصآئد مختاره _ ابيات رائعه _متجدد
العرض الشجري