صدر الحزين يطاوع الضيق .. و يضيق
من كل صوب .. و تصبح العين ديمـه
ينزل مطر .. و يلوح براق .. و تفيـق
كل الجروح .. المبطيـات .. القديمـه
و أنا .. على الدنيـا قليـل التوافيـق
ما غيـر أساوقهـا بـراي و عزيمـه
يا فـوح قلبـي مثـل فـوح الاباريـق
عليـك ياللـي لـك عروقـي محيمـه
أقبلت لي و الحب .. حـظ و توافيـق
و أقفيت عنـي .. و النتايـج وخيمـه
علقت نفسـك فـي زوايـا المعاليـق
و حطيت لك بين الحنايـا .. وسيمـه
و أصبحت عندي فوق كـل المخاليـق
تخطي و لا لك غيـر قـدر و حشيمـه
و انا و ربـي مـا نقضـت المواثيـق
لا زلت أشوفـك راس مـال و غنيمـه
دونك سحاب الدمع و مشـارق الريـق
و عقبك ضياع و جرح قلب و هزيمـه
فأن بعتني فالسـوق بيـع الصناديـق
عـز الله انـك بعتـنـي دون قيـمـه
ليتك تشـوف ابـواب قلبـي مغاليـق
ما هيـب لا و الله .. و عـادة حليمـه
ما همني و النـاس جمـع و تفاريـق
ما دمت منتـب فيـه روحـي يتيمـه
يا صاحبـي تبكـي عليـك الطواريـق
جزل البيوت .. الفـاردات .. العديمـه
أرحل .. و طيبك فوق روس الشواهيق
لا تلتفـت لـي يـا قـوي ... الشكيمـه
يالله عسـى فالـك معـزه و توفـيـق
ياللي جعلت أهـداف عمـري عظيمـه
عقبك لي الله ثـم شمـس المشاريـق
و الشرقـي و هبّـة هـواه و نسيمـه
و الشوق و هموم الجـروح المفاتيـق
و البرد و الحـزن و شـوارع رحيمـه
يالغالـي اللـي كنـك بقلبـي اتويـق
جرحك كريـم .. و ذكرياتـك كريمـه
أنت و انا .. نشبه حضارات الأغريـق
القوم راحـوا .. و الحضـاره مقيمـه
حاصل على ترخيص من وزارة الثقافه والاعلام السعودي
رد: عـذب القـصيد _ قصآئد مختاره _ ابيات رائعه _متجدد
العرض الشجري