طاحت من اكتاف التعب [اربع شهور]
...... وصاحت من اتعاب الكتوف .. الثواني..
وصار الحزن[شباك]..والصمت ديكور
...... وبكاي .. [ترتيلة مطر] .. للمواني..!
والدمع شمع.. ومعظم احيان [بلّور]
...... يتمرجح اهدابي.... / ليا من بكاني..!
كل ماأغني يختنق [صوت عصفور]
...... وكل ماسكتّ .. تموت فيني [أغاني] ..!
وكل مامكاني يجفي [اصابع النور]
...... أشعل اصابيعي .. و أجفى مكاني..!
ومن كثر مانا [طاغية].. حسّ وشعور
...... مابي هلي يدرون ... اني أعاااني..!
أطلع ابروز [ضيقتي] فآخر السور
..... إيلين تبكيني ...\ السكك والمباني..!
وارجع و ألقى ياوطن.. ضيق منثور
..... إسمع... / ولا تنثر دموعك ..عشاني..!
طفلتك ماتملك سوى..[ حلم محصور]
.... و[شويّة العاب] ... / وحكايا موآني ..!
تحضر غياب وتلتحف..:غيبة حضور
..... ينسونها .../ وتقول: محد نساني..!
تحلم.. وتخنق حلمها .. [وحشة الدور]
...... والمدرسه....وهواش [أبله تهاني] ..!
وعلى كثر مابلّل اطرافها ... [النور]
..... تفرد أصابعها .. \و [تطفى] معاني ..!
وعلى كثر ماتترك الصبح [ممطور]
..... تذبل ... لأن الصبح دايم .. [أناني] ..!
مامات من [برد الصباحات] .. عصفور
..... بس هيّ [ماتت] .. من كثر ماتعاني ..!
حاصل على ترخيص من وزارة الثقافه والاعلام السعودي
رد: عـذب القـصيد _ قصآئد مختاره _ ابيات رائعه _متجدد
العرض المتطور
