لا تلومني لا جيت كلي من اقصاي. قصيده روعه

اقتباس:
المشاركة الأصلية كتبت بواسطة تركي البدر

لا تلومني لا جيت كلي من اقصاي=مافيه غيرك لا تضايقت جيته
جيتك ولا غـيرك ذكرته بمسـراي=جيتك وكل انسان غيرك نسيته
جيتك وانا ماني بتايه الراي=جيتك وانا مدري وش اللي بغيته
جيتك وقلبي دقته تسبق خطاي=جيتك اقول مفارقك ماقويته
وان مر يوم بالعمر مانت وياي=اشتاق لك شوق المسافر لبيته
مثل الهوى تحتاجه الناس والماي=يحتاج لك قلب(ن) هواك وهويته
انت الوحيد اللي يرد بسمة شفاي=وانت الوحيد اللي بروحي فديته
دامك معي ما قصّرت يوم دنياي=دامي خذيتك وش بقى ما خذيته
وان كان تنشد بعد ليه انا جاي=ابشر برد(ن) يقنعك لا قريته
جيت اعترف بالفرق يا آخر مناي=بينك وبين اللي عشانك جفيته
اني ليا من جيت لك همك رضاي=واني ليا من جيت له ما لقيته
لا تلومني لاجيت كلي من اقصاي=مافيه غيرك لا تضايق جيته

******** type="text/**********">doPoem(0)***********

أخي
الفاضل
الشاعر القدير
تركي البدر
صح لسانك مدد بلا عدد
قصيدة جزلة من راس جزل
لاهنت
:
وكل عام وأنت بألف خير