اخبار هلالنا , لـ يوم الجمـــــعه 7-11-1431 هـ , من الصُحف

عواكيس


حسن العتيبي

* الأخ:معوكس مارأيك في تصريح السيد بيسيرو عندما قال:الدوري سيستمر وكأنه وزير الشباب.. ومافائدة من معسكر خمسة أيام في تركيا!؟
صديقك معاذالحميد_مرات
-قصده التخبيص في الدوري سيستمر!

* عزيزي المحترم معوكس:لماذا لم تجتمع اللجنة بعد تكسيرأسنان ريان بلال وإصابة الحارس الخطيرة؟
صديقك أبوحميد_مرات
- ماعندهم نفس المقاس!

* عزيزي معوكس ودي انك تتجه الى عالم التدريب واول بطولة تحققها ابي اذبح لك خروف لباني.
اخوك المشجع النصراوي- لافي صالح العنزي
-ابدا مانبي خرفان ولا حواشي أدعم بقيمتها فريقك ألزم عليك!

* عزيزي معوكس اختلاف اعضاء شرف النصر هو سبب ابتعاده عن البطولات .
اخوك المشجع النصراوي -أبو صالح
-وكثرتهم في برامج الفضائيات!

*الف تحية ابو العواكيس خطتنا قدام اصفهان تسكير البيبان والتوكل على الرحمن وش رايك ياشبيه زيدان.
صديقك عبدالملك المرشد -عرقة
-الله يستر ماتصك باب بيتكم خايف من هجمة مرتدة!

* الف تحية ابو العواكيس وش رايك بالازرق اللي غرف عقول بعض الناس في مباراه الغرافة.
اخوك لملوم الرياض
-أقول أركد لا يغرفكم زاده وربعه حبة حبة!

*الدكتور معوكس صباح الخير هل صحيح أن الفنان الجماهيري خالد عبدالرحمن هو مدير الكرة القادم للنصر.
أبو نايف _الرياض
-ماأحد يبيها لو يعرضونه على مزعل!

*الدكتور معوكس صباح الخير عندنا محلل رياضي في الحي يقول إن الهلال سيفوز على الفريق الإيراني بنتيجه تاريخية تصل إلى خمسة وفي شوط واحد!
عبدالله العبيوي_عاشق حي المصيف
-حشا شوط طائرة!

* تتفق معي ان الشباب في حال وصوله للعالمية سوف يخطف جماهيرالجيران ويستمتعون بفريق اوروبي في الدوري السعودي
محمد الحميد.
-الجيران الرياض وجماهيرهم أربعة يصكونها بلوت وكنكان فوق الجسر المعلق!

*اهلين معوكس من تتوقع ضيوف اللي سينحر ثلات قعدان اذا خسر الهلال الآسيوية وغريبة يوم صرح ماحدد متى واين.
ابوعزام صديق جديد لك
-ضيوفه مثله ماعندك أحد.

*اخي معكوس هل تتوقع وصول نادي الرياض الى بطولة اندية العالم في ابو ظبي هذا العام.
متيم نادي الرياض سعود السويري مرات
- يمكن في البلاي ستيشن!

*دعوتك معنا يامعوكس ان ابو علي حسن العتيبي يضبط قدام ذوب آهن الايراني ويقود فريقه للتأهل؟
فهد الروبيح –الرياض
-أنتم خلوه في حاله ويضبط!

* الأخ معكوس.. لماذ إذا نهزم الهلال كثر ذبح الخرفان؟
متعب صويان الشمري
-الحسد الله يكفيك شره يابوصويان!
* صاحب المليون رسالة ابوالعواكيس تحية وبعد:
ودي أعرف وش الاوراق اللي مع أحد الاعلاميين وقام يخرط مع عبدالعزيز البكر
-حمد الدوسري -أبومبارك
هذي الله يسلمك فواتير الكلاوي وكبدة الحواشي!

*آهلين معوكس ليش النصراويين زعلانين من تشكيل اللجان
عبد الرحمن الضويان -العليا
-عندهم خير أهم من اللجان كلها!
عزيزي معوكس بعد التحية:

*هل تتوقع عودة النصر للبطولات بعد إلغاء عقد ماسا.
عاشق العالمي-ابوسلطان الدرعيه
-وعودتهم الى العريجا على الباص!

* تتفق معي يا معوكس أن الهلال بحاجه لدعم جماهير الاندية الاخرى أمام الفريق الايراني.
عبدالله السنيدي-جامعة الملك سعود
-لا والله ماأتفق وبعدين اشوف الدعوى صارت موضة وترزز هذا يرسل باص والثاني ونيت والثالث جاي بعلم فريقه اللي ما شم بطولة باختصار الهلال يكفيه جماهيره ماشاء الله تعبي مدرجات عشرة ملاعب!

*اطلع يامعوكس بالتلفزيون خلنا نشوفك ترانا مشتاقين لطلتك؟
راشد الظفيري- حفر الباطن
-وين أطلع معه وذا المهابيل نايمين في القنوات كنها برامج شهار على الهواء!

* الخبير ابو العواكيس في المباراة النهائية بين فريقنا الزرادية ومفك 14 قال لنا الرئيس إذا فزتوا أبي اذبح أربع حواشي ظنك صادق؟
ابو زياد الزغيبي
-صعبة ولاحتى أربع دجاج مجمد!

* أخوي معوكس السلام عليكم وبعد أرجو أن لايهمونك المضغوطين والمتمنين اختفاء زاويتك لكي لا تدخل أنت وزاويتك للعالمية لأنهم لا يرضيهم دخول العالمية إلا بواسطة فريقهم؟
خال الميموني-الرياض
- إلا ياجايب خبرهم !

*الغالي معوكس وش رأيك باللي يحاول "يضخم" انجازات غير فريقه، واذا ظهر بالتلفزيون جاب العيد منطق شين وشكل اشين، وما غير صراخ وما بقى إلا يبكي؟
محمد الرافعي-الطائف
-أقول الله يرحم حاله ويعينه على نفيسته وانجازات منافس فريق اللي خلته يحاكي نفسه!