كن حبك ضيف والقلب بدوي ...ثامر شبيب الرشيدي

ماعلي خلاف اقول اللي ابيه=من فضل ربي علي اني قوي

الا حبك شي ما اقدر عليه=كن حبك ضيف والقلب بدوي

انت بس اللي ابيه ولا اجيه=عنك حظي لاوي ذراعي لوي

صرت لي مشوار لاجيت ابتديه=ان لقيت الدرب ضيعت الخوي

رد يامنهو حياتي في يديه=لا تخليني وانا لك مهتوي

ان خسرتك وين ابلقا لك شبيه=وانت من كل شي نادر تحتوي .؟

وين رايح جعل هالزول افتديه=وانت خابرني من البعد انكوي

انت حتى الجرح منك اشتهيه=من غلاك اضمى عذابك وارتوي

انت لا سولفت ماكني هنيه=التزمت الصمت كني منطوي

ليه اسولف لك وهي من غير ليه=تعرف انك تطوي احزاني طوي

انت حبك شي ما اقدر عليه=كن حبك ضيف والقلب بدوي

******** type="text/**********">doPoem(0)***********

الشاعر ثامر شبيب الرشيدي