هاض الغرام

هاض الغرام

[poem=font="simplified arabic,6,red,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
هاض الغرام وبيح القلب مافيـه = وبيحت انا حبٍ بقلبـي سطابـه
على حبيـبٍ كـل يـوم اراعيـه = اعطى السؤال وجاه مني جوابـه
الله يلوم اللي بليـلٍ سـرى فيـه = شاله مع العربان وابعـد ترابـه
ياليتني معهـم وزانـه واباريـه = وليا عطش نسقيه عذبـاً شرابـه
وليا نزل قاعـاً نوقـي مواطيـه = واقيه عن لفح الهوى والسحابـه
واخشى عليه من البروده واغطيه = يرقد بمـان الله ومـن القرابـه
وانا الطبيب اللي معالج واداويـه = حتى يطيب الجرح ويبري صوابه
من عقبها صبري ولاني بقاويـه = صبرت لين الصبر بين سرابـه
واسهر طوال الليل يا ناس راجيه = وون ون اللـي عـزف لربابـه
واعوي كما ذيبٍ بعالي مراقيـه = بروس الهضاب اللي رقتها الذيابه
والله ثـم والله مانـي بناسـيـه = مانساه لو سلـط علينـا الرقابـه
تبعد دياري عن دياره شواطيـه = ديرة هلا النوماس ترث الصحابه
وان مت يا الباشا مبين مراميـه = حطوا علي قطعـةً مـن ثيابـه

[/poem]

عبيدالله نهير الحائطي (شاعر الحوايطه ))

صح لساانك وبيض الله وجهك

الحايطي يازين ها المشاعر قصيده رو و و وعه صح السان شاعرها _وصح السانك اذا كانت لك

اخواني مشكور على مروركم

صح السانك على هالقصده يالحايطي
كل قصايدك جزله ياشاعر الحوايطه
تقبل مروري وتحياتي

صح لسانك ياشاعر الحوائطه

والله ثـــــــــــم والله مـــــانــــــي بـــنـــاســـيـــه مـانـســاه لــــو ســلــط عـلـيـنـا الـرقـابــه
تـبـعـد ديـــاري عـــن ديـــاره شـواطـيــه ديرة هـلا النومـاس تـرث الصحابـه

صح السااانك قصيدة رائعة وتدل ع تمكنك شااعرهااا,,,,,,,,,,,