هاض الغرام
هاض الغرام
هاض الغرام وبيح القلب مافيـه = وبيحت انا حبٍ بقلبـي سطابـه على حبيـبٍ كـل يـوم اراعيـه = اعطى السؤال وجاه مني جوابـه الله يلوم اللي بليـلٍ سـرى فيـه = شاله مع العربان وابعـد ترابـه ياليتني معهـم وزانـه واباريـه = وليا عطش نسقيه عذبـاً شرابـه وليا نزل قاعـاً نوقـي مواطيـه = واقيه عن لفح الهوى والسحابـه واخشى عليه من البروده واغطيه = يرقد بمـان الله ومـن القرابـه وانا الطبيب اللي معالج واداويـه = حتى يطيب الجرح ويبري صوابه من عقبها صبري ولاني بقاويـه = صبرت لين الصبر بين سرابـه واسهر طوال الليل يا ناس راجيه = وون ون اللـي عـزف لربابـه واعوي كما ذيبٍ بعالي مراقيـه = بروس الهضاب اللي رقتها الذيابه والله ثـم والله مانـي بناسـيـه = مانساه لو سلـط علينـا الرقابـه تبعد دياري عن دياره شواطيـه = ديرة هلا النوماس ترث الصحابه وان مت يا الباشا مبين مراميـه = حطوا علي قطعـةً مـن ثيابـه عبيدالله نهير الحائطي (شاعر الحوايطه )) |
رد: هاض الغرام
صح لساانك وبيض الله وجهك |
رد: هاض الغرام
الحايطي يازين ها المشاعر قصيده رو و و وعه صح السان شاعرها _وصح السانك اذا كانت لك
|
رد: هاض الغرام
اخواني مشكور على مروركم
|
رد: هاض الغرام
صح السانك على هالقصده يالحايطي
كل قصايدك جزله ياشاعر الحوايطه تقبل مروري وتحياتي |
رد: هاض الغرام
صح لسانك ياشاعر الحوائطه
|
رد: هاض الغرام
والله ثـــــــــــم والله مـــــانــــــي بـــنـــاســـيـــه مـانـســاه لــــو ســلــط عـلـيـنـا الـرقـابــه تـبـعـد ديـــاري عـــن ديـــاره شـواطـيــه ديرة هـلا النومـاس تـرث الصحابـه صح السااانك قصيدة رائعة وتدل ع تمكنك شااعرهااا,,,,,,,,,,, |
| الساعة الآن 11:17 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir