موقع الشاعرغازي البراك موقع الجميع - مراسله بين ناصر خنيفر ورد من غازي البراك

السلام عليكم ورحمة الله وبركاته
اخواني الزوار الكرام
هذه مراسله جرت بيني وبين الشاعر ناصر خنيفر عضو ديوانية شعراء النبط في دولة الكويت

يقول ناصر

يـاغـازي الـبـراك ياطـيـب الـفـا لا=لله يجيـرك مـن بــلاوي صـدوفـه
ابشرح اوضاع ٍ طرتلي على البال=شين نشوفه وانـت يمكـن تشوفـه
مريت دران شوفها يسـرق الحـال=جردن محل فيها العشب ماتشوفه
مامرهـا مـن وابـل الوسـم هـمـال=مزنـن تيامـن عنـه واخـر يطوفـه
من ذنب ناس ٍ همها جمعة المـال=ماشاف مصـدر ماتحوشـه كفوفـه
ولال الكبير بوسطهم قـدر وجـلال=وبالكـذب والبهتـان ياكـل كتـوفـه
راحم هل الطـولات حمايـت التـال=هـل التراحـم بالـرخـاء والكلـوفـه
التلاهم اللـي شيعـو زيـن الافعـال=راع الدلال اللـي ماهـي بمحروفـه
اللي يزوره مـن بغـا شـف فنجـال=وقبـلـه رجــال ٍ طيـبـه ومعـروفـه
واليوم مابقن سوى خمسة رجـال=وحجم القمـر قـام ايتدانـا كسوفـه
وقصـرت رجليـه بالقـفـا ولاقـبـال=مالـي بعنواتـن مـاهـي بمخلـوفـه
بالـدار مالـي عقـب ذولاك مـنـزال=فـي ديرتـن قامـت تثـلـم صفـوفـه
الحي جعله يهتـدي زيـن الاعمـال=ومـن مـات ياربـي تهـون وقـوفـه
في ساعتن مايفيد مـال ٍ ولاعيـال=ملوكهـا ماعـزلـت عــن ضعـوفـه
بس العمل غيـره فـلا فيـه مدخـال=في وسط غارن موحشات ٍ لجوفه

******** type="text/**********">doPoem(0)***********
وهذا مردي امل ان ينال على ستحسانكم

البارحه جانـي مـع النـت مرسـال =الناس مرتاحه وانـا قـرى حروفـه
أقـر وفكـر واتخيـل بـا لامـثـال=وحس قلبي يرتجـف وسـط جوفـه
قمت اتخيـل مدهـل العـم والخـال=ذيك الديار اللـي عليهـا الحسوفـه
ماحي شجرها والموارد على الجـال=والناس صارت من بلادهـا عيوفـه
ماباقـيً زارع ولاشــوف وبــال=وعجف السنين مع الاهبايب تلوفـه
يـا الله ياعلـم عـدد كـل الاجيـال=تـروف فـي دارن بحالـة مروفـه
يا ناصر خنيفر تـرى الطيـب لازال=باقي وتلقـى مـن يكـرم ضيوفـه
اقولها صادق تـرى الحـق ينقـال=قليـل مـن قولـة تفظـل تطـوفـه
ادري تبيها مثـل ماضيـن الافعـال =اللـي بقلبـك قلـب غيـر يلـوفـه
عن راعي( الفاطر)01 وقف كل خيال=خوي( برغش)2 بالشجاعه وقوفـه
شفته بعيني شايب (ن) ناحل الحـال=على الذيابه يابـو تركـي وصوفـه
عسـاه بالجنـه ويجـزاء بالعمـال =الطيـبـه والباقـيـات مـحـذوفـه
لاتصير يا ناصر مـع الوقـت ميـال=مدام راسـك حـي يحمـاء كتوفـه
عين (ن) تسود وعين تنخـل بخـال=وعينن تنـام وعيـن دايـم ذروفـه
هذي تصاريف الزمن مابها اشكـا ل=الناس مـن تـال الزمـان مخفوفـه

******** type="text/**********">doPoem(0)***********

نقط على حروف

عن راعي الفاطر المقصود هو المرحوم / الشيخ / بشير بن ضبيب البراك هو معروف بمكارم الاخلاق

والشجاعه

رحمه الله
وانا جلست معه وكان صاحب اخلاق عاليه يحب الصيد وكان يثني على المرحوم برغش بن بنيه البراك

( برغش هو برغش بن بنيه البراك رحمه الله رجل معروف في الشجاعه والكرم )