السلام عليكم ورحمة الله
اطرح بين ايديكم هذي القصيدة اتمنى ان تحوز على اعجابكم
جيت البحر قصدي من الهم برتاح ** واثري البحر من ضيقتي ضاق منيّ
والله لو عندي ونيس(ن) ونصاح ** ماكـان جـيـت لموجـه اللي لـطـمـنـيّ
مير البلا همي وصدري اليا ناح ** وحض(ن) على طول الزمان امتحنيّ
يلعنك ياوقت(ن) شحيح(ن) وفضاح ** زود(ن) على همي بجوره كتمنيّ
دنـيـا رديه مالـقـيـنا لهــا سلاح * **** دنـيـا الـعـنا بـيـديـنها تـسـتلمني
حاولت ادلـّه خاطري بضحك ومزاح ** لكن زماني بالمواجع ظلمني
صار الحزن في داخلي دوم ملاح ** مبحر بقلبي والشقى مستلمني
وين السعادة وين لحظات الافراح ** لايازمن وشلون منها تحرمني
يالله تجعل خاطري دوم منساح ** ودنيا الشقى يالله منها تعصمني
وسلامتكم
اخوكم متعب الشعباني
حاصل على ترخيص من وزارة الثقافه والاعلام السعودي
البحر
العرض المتطور
