مواقف نسائية محرجة و مضحكة *-*

بسم الله الرحمن الرحيم

السلام عليكم ورحمة الله وبركاته

بنات اليوم جمعت الكم مجموعة من المواقف اعجبتني بتموت من الضحك

1-

انا مره سويت مقلب صغنون كنا نايمين في امان الله والغرفه ظلاااااااااااام دامس وانا كنت نايمه سمعت صوته يقوم يروح للحمام الله يكرمكم

مادري وش هالنشاط الي جاني قمت لبست عبايتي وغطيت فيها كل راسي وجسمي وجلست قبال باب الحمام متربعه
طلع هو يغافل لك الله ومعه فوطه ينشف يده من الروعه يوم شافني يحسبني جنيه بسم الله علي يقولي هشششششش هشششش بالفوطه
بس والله ياني كلت خبطه على راسي مالومه والله يقول خبري بك نايمه ولو يطيح البيت ماقمتي من ثقل نومك وش الله سلطك علي

2-

بنات هذا الموقف لوحده تقرب لي تقول راحت لمجلس الامهااات مع بنتهاا ورجعت قبل بنتها




يوم جت بنتها من المدرسه تقول متفتحه مناخر بنتي من الفرحه قالت ماااااااااااامااااااااا البنات يقولون امك صغييييييييييييييييره مررررررره تقول قلت اصصص

لاتقولين شي بعدين لين جينا نتغدى سولفي علينا
تقول وانا على احر من الجمر متى يجي الغدى عشان زوجها يسمع المدح تقول يوم جلسنا على الغدا وتلفت على بنتهاا هاااااااااه ياحبيبتي وش كنتي من شوي تقولين يوم كنت مشغوووووووووله قالت اي صديقاااتي يقولون امك صغييييييييييييييييييره تقول وانا انتفخ راااسي اي كملي وش قالو بعد قالت بس يقووووووولون شييييييينه مررررره تخووووف خخخخخ تقول عاد هنا انفش راسها وطاح وجهها وزوجها كاتم ضحكته مايبي يفشلها خخخ مع انها والله حلوه بس هالبنات الله يفشلهم

3-

(8)
انا اذكر كنت مسافره عند خالتي وبعد فتره لحقتنا امي


قالت مره خاالي قره عينك


وش رديت عليها انا


ياليتني انثبرت ابرك


قلت الله يقرقر عينك خخخخخ


قالت حسبي الله على عدوك بسم الله علي الله يخلي لي عيوني


عاد عرفت بعدين اني المفروض اقول بنبيك(محمد عليه السلام)

4-

ومره رحنا لاخت زوجي واطلع وانسى ولدي عندهم خخخخخخخخ ياخزياه مانسيته الا عند الحموله ليتني ناسيته في بيت خالتي والا اهلي والا خالي خخخ


مادريت الا تدق علي قالت مانسيتي شي قلت اييي قصدك الصينييه بعدين جيبيها معك


الله يخلف على قلبي ذكرت صينيه المكرونه وماذكرت ولدي موديه معي لها صينيه مكرونه واحسبها تقصد الصينيه خخخخخ


قالت لا ولدك تراه انهبل يقوول امي نستني خخخخخخخ



ومره دخلت محل ابشتري شي وانشب بحلق الرجال على خمسه ريال ابيها يخصمها مادري وش جااني على هالخمسه وانشب في حلقه نشبه الحساب كان اعتقد 25 وابي احاسب بعشرين اخر شي يبي يفتك مني قال خلاص طيب واعطيه خمس ميه واترك الباقي كله واطلع خخخخخخخ


ومره رحنا انا وخواتي نعزي سلفه اختي المهم دخلنا وقامت تقص علينا قصه وفاه امها انها ارتفع السكر عليها ودخلت بغيبوبه وانها صحت قبل ماتموت بااسبوع
واجي عاد انا المفهيه اشوااا الحمد لله صحت الحمد لله على سلامتها
خواتي طلعو من غير مايقولون مع السلامه من الضحك


(5)

مرة من المراري


كنت قاعده في الملحق انا وخالتي ام زوجي وخوات زوجي وكنت توني معرسه مابعد كملت سنه اضن
وفيني رجه مهيب طبيبعيه
المهم كلمت ابو الشباب مدري هو كلمني قلت له وينك تاخرت؟؟
قال في الحاره مير يغزني بليس قلت ورى ماتروحين تخبين ورى الجدار تروعين رجلك
مير اسمع باب الكراج ينفتح واطييييييييييير اركض اتخبى ورى الجدار
واسمع باب الكراج يتسكر
وانا عاد اقوم استعد احمي يديني للخبطه
واسمع باب السياره ينفتح
واخذ نفس
واسمع خطواته جاايه
المهم مادريت الا الرجال يمشي
عاد طريقه الجدار الي عند الكراج اذا دخل يصير معطيني ظهره وانا وراه
ياليت يوم بليس غزني قال اصرخي في وجه اسحبي شماغه
بس بليس قال اهبديه
وظلااام جهت الكراج



واجي طاايره وباقوى قوه اقدر اسويها اخبطه مع ظهره من ورى بين كتووفه


<<<<الله من الجفااسه حتى في المزح خخخخخخخخخ
مسيكين هو من قوه الخبطه



ومادريت الا الكراج ينفتح مره ثانيه


صار الي جاااي اول اخوو رجلي


وهو الي تلقى الضربه ارض جو


والله اني بغيت انحاش مع باب الكراج يوم انفتح من الفشيله


واطلب الطلااق


التفت علي قااااااااااااااااااال عمىىىىى
عاد انا بغيت ازعل يوم قال عمىىىىى



<<لها وجه تزعل


مير تشوفوني اااسفه اااسفه ومغطيه وجهي بيدي احسبك فلااان


<<<<يقالك ستيره متغطيه خخخخخخخخخخ


قال تكفين خفي على اخووي خخخخخخخخخخخخ


عاد مير انا الي انصى رجلي وانا ازبد من الحمق<<<بعير مو انسانه


واقوله السالفه


قال اشوى فيه ولا فيني خخخخخخخخخ


قلت رح تعذر له واشتر له فكس على حسابنا خخخخخخخخ


عاد رجلي قال ترى فلانه تحسبك انا لاني مكلمه قايل انا قريب حول البيت


قال الله يصبرك يااخوي انتبه لاتزعلها تذبحك خخخخخخخخخ


اذا هذا مزح اجل شلون اذا زعلت

6--

انا مره رايحين البر انا وحمولتي واخوان زوجي وحريمهم



المهم ان زوجي حااط علب بيبسي فوق بعض وقااعد يصوب عليها بالبندق<<<ياقدمها خخخخخ


قصدي بالساكتون


وصارو بالدور هالشباب الصغار وخواته يصوبون ولا واحد جاابها


جيت انا طاايره قلت انا ابجرب


قال وخري بس لاتفشلينا اخاف تذبحين احد ونتوهق ندفع اديه يبي يحطمني ويقهرني


ومير انشب بحلقه ويضحكون يقولون عطها خل نشووف


يوم خذته تعالي شوفي التعليقات الي تقول ابركب عيالي السياره لاتصوبين عليهم والي يقول ابنحااش


واحس بقهر في قلبي واقول في نفسي ياودود ياودود انك تنصرني عليهم


واشيل السلاح واحطه على كتفي حسيت كاني لوااء من فرحتي


يوم اطلقت الرصاصه واجيبهاااا وانا بنت ابوووي


وتعاالي شوفي التعليق الي يقول فلانه جابتها والي يقووول اكيد متعلمه من قبل والا شلون تجيبينها
ورجلي انهبل شفتو ام فلاان<<ألحين صرت ام فلان اول يتهزا فيناا



عاااد انا رااسي صارر كنه منطااد من الفرحه<<<الي يركبون فيه في افلام كرتون خخخخخ


قلت يله ابسوي مره ثانيه


وكلهم متشوقين ومتجمعين يله يله وانا عااد يارض انهدي ماعليكي قدي


واجهز الساكتون واحط طرفه على كتفي واغمض عين وافتح عين يقالك مركزه


عاد قمت اتميلح عندهم كاني خبره صدقت عمري


توني حاطه يدي على الزناد وطاالقه الرصاصه الا شي قال بببومب وقزاز انتثر اثاريني من زود التحمس جت الرصاصه في لمبه سياره رجلي خخخخخخخخخخ


والله عقب ماكان مفتخر فيني وفرحان فيني حسيت انه وده يكفخني ومجاامل عند اهله خخخخخ


وتعالي شوفي الضحك علي والكل عرف ان المره الاولى صدفه

7-

هذا الله يسلمكم يوم زواجي من بكره رحنا نتعشى عند اهله عشان رحلتنا بالليل بنسافر المهم دخلت عليهم وطاارو فيني وانا عاد راسي انتفخ الظاهر اني حاسه بعقده نقص
قال زوجي تعالي اوريك جناحنا على اساس اني ابسكن عندهم المهم طلعت فوق ونزل زوجي وانا قعدت اتضبط شوي وجيت انزل ومستحيه بيتهم مليان ومادري وين ارووح معه وقاعده ساعه عند باب المجلس كل ماجيت ادخل استحيت لين طلعت امه في وجهي شافتني ارتاعت قالت بسم الله الله يفشل العدوو المهم دخلت وجلست كل بزارينهم متجمعين تحتي كاني تمثال ابو الهول يتفرجون على العرووس وانا مغير ابرد شاهي واشرب بزارينهم مادري من الروعه وكل واحد يقول انا ماشربتيني
تعشينا وجا زوجي قال يله بنمشي وجا معه اخوانه بيودعونه وبيسلمون علي واتغطى بالشرشف مادريت الا علبه المناديل الخشب الي صاقعه وجهي والله اني حاسه بدوخه من قوه الضربه واصرخ ذيك الصرخه الا ولد اخت زوجي شيطاااااااااني امه مستاذيه منه صقعني فيها تطامرو خواله الي يخبطه مع راسه وانا من الروعه اقول لاعاااااادي ماعورني اصلا ماطقتني العلبه
كل هالصرخه واقول ماطقتني وعيوني تصب دمووع واقول في نفسي الشرهه على الي يتزوج ولدهم
قال له زوجي قلها اسف يله بسرعه ودخل راسه تحت الشرشف وانا الي احمر عيووووووووووني عليه واكشر في وجهه قام الله يفشله قال يمه عيونها تخوف كبار وحمر بصووت عالي بغى يغمى علي من الروعه

-8-



في وحده شعرها دايم يحتاجله سشوار مهو بناعم المهم السشوار اخترب مادري وش صار فيه عاد هي ذكاءها قادها لفكره جهنميه وش سوت
راحت على طاولت الكوي وانسدحت وهاتك يا كوي بهالشعر
وبرضه زوجها سوالها صادوه يوم دخل واختنا في الله تكوي منسجمه
الرجال انهبل على باله تزوج وحده ماهي صاحيه

9-

وهذا موقف لوحده بشهر العسل تقول كنت مسافره خارج السعوديه واشتهيت مطعم عربي الله لا يعيدها المهم لقينا مطعم لبناني ورحنا له وحطوا لنا طبعاا قبل ما نطلب زيتون ومخلل
وجا الجرسون واقف فوق روسنا ياخذ الطلبات وزوجي يقوله الطلبات وانا احاول اصيد الزيتونه بالشوكه وهي تطير الزيتونه وتصقع وجه الجرسون وهو ياخذ الطلبات
قام قال عنا في لبنان ناكل الزيتون بايدنا
عاد ما اسكت وأنثبر
قلت غريبه حنا عنا بالسعوديه نصيدها بالشوكه
وماسكها زوجي علي للحين كل ما شاف زيتون قال هاه بالشوكه والا بيدك خخخخخخخخ

10-


يقولون فيه وحده تستحي من زوجها بالمرة تضايق الزوج وكلم خواته يكلمونها وكلم أم زوجته كذلك المهم أزعجوها امزحي مع زوجك أمزحي والعـبي واضحكي معه قالت ما أقدر المهم طولوا عليها بالكلام
وفي مرة من المرات وهي مع زوجها سبقها زوجها بينزل مع الدرج قالت فرصه امزح معه شوي علشانه مايشوفني المهم دفته مع الدرج الا وهو في آخر الدرج متشقلب وقاعد يون ويصيح من الألم قالها وش فيك كذا جلست البنية تصيح وتقول كله من أهلك يقولون امزحي معه وهذي آخرتها

11-
هذي وحده تقول اول ما تزوجت كنت ادرس وكان يوديني زوجي للجامعه وياخذني ..
المهم .. انا جالسه انتظره وكنت واقفه في الشارع واشوفه بعد كم سياره .. المهم جلست استـناه
يوم وصل عندي .. وانا امشي بغنج الا واطيح ذيك الطيحه طراااااااااااااااااااااخ
جلست على ألارض ما يشوف الا راسي من عند شباكي جالسه اناظره ولا اتحرك ..
وكان الشارع مليان رجاجيل وبنات
واركب في السياره وهو ميت من الضحك واجلس اصيح قلت ما تعرف تسمي علي !!

12-

هذا الموقف قرأته بمجله .. وحدة تقول اول ما تزوجت طحت عند باب المطبخ وانهبل زوجي وبسم الله عليك سلامتك حياتي وبعد مرور سنة طاحت بنفس المكان قالها
عمى ما تشوفين

13--


مسكينه؟

عريس توووه أخذ عروسته من أهلها وموديها للبيت

(طبعا كان الوقت متأخر والشوارع تقريبا فاضيه في حارتهم )

قال العريس : وش رايك اوريك حركه حلوه ؟

(قصده يفحط , !! )

قالت :لا ما يحتاج ( البنت موناقصه ترويع كافي عليها أنت !!! )
قال : إلا إلا شوفي هذي ......................... .......

ولا صحت إلا بالمستشفى , وقضوا أجمل شهر عسل على الاسره البيضاء



-14

وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !!

**********

تقول كانت اختي جالسة عند التلفزيون أثناء استعراض برامج الغد وجاء في العرض ( ثم نقدم لكم نشرة الاخبار المصورة الثالثة والاخيرة ) فرحت أختي مرررة .. وراحت لأمي : يمه يمه الحمد لله خلصنا من الاخبار بكرة الحلقة الاخيرة ...

***********
تقول عزمنا أقاربنا في الشرقية ومن باب الكرم حطوا في العشاء طبقا من الاطباق ( عبارة عن روبيان طازج مشوي غير مقشر ) شاف ولدي الصغير هالطبق وقال : يمه _ ووووع _ حاطين في العشاء صراصير وضعاريط < بعضهم يسمونها { وزغ } .
********

تقول شرح لي أخوي مادة القواعد حتى فهمتها .. وفي الامتحان جاوبت تمام التمام ... وطلعت مسرعة من المدرسة لسيارة أخوي ركبت المرتبة اللي وراء وطقيت كتفه وقلت مشكور يأخيي جاوبت زين بالامتحان .. رد علي بهدؤ وقال : أنا آسف ماني أخوك غلطانه في السيارة
*************


وحده تقول قبل المغرب كانت امي تامرنا بفتح الشبابيك حتى يطلع الذباب برا ... ومرة من الايام سالت المعلمة : لماذا نفتح النوافذ في منازلنا ؟ ورفعت اختي الصغيرة يدها ، وقالت وهي متحمسة : علشان نطرد الذباب يا استاذه !!!



15-

هذي بعض مواقف الأطفال المضحكة .. عسى ترسم البسمة على شفاهكم



تقول وحده من الأمهات .. (كنت معزومه على حفل عشاء فأخذت ابنتي الصغيرة معي ،
فلما جلسنا حول البوفيه ظنت انه مطعم وقالت بصوت عال : هذا الأكل بفلوس و إلا
ببلاش؟؟ فضحكوا عليها الحاضرات..)


والثانية ... ( جانا ضيوف وجابوا معهم هديه للمولود الجديد فكان ابني يريد
فتحها فقلت له ( اصبر حتى يذهبوا ) صار يدخل ويطلع ولما مل الولد من الانتظار
دخل وقال بصوت مرتفع .... (خلاص أبفتحها شكلهم بينامون عندنا ) !!!!


وقالت وحده بعد ... ذهبنا في زيارة لعمات زوجي ، وحده منهم كبيرة في السن قلت
لولدي حب رأسها فرفض وقال ( ريحة رأسها شينه )!!! -يقصد الحناء- شوفوا الإحراج
اللي صار لي ...!!!

كما قالت.. جتني وحده من صديقاتي وكانت ملامحها تشبه دول شرق أسيا فجلست بنتي
تطالعها بقوه ، و لما قلت لها عيب ردت وقالت ( شكلها شغالة)


هذه من جد يبغالها بالشنطه على رأسها...أخذت من أختي شنطه ورحنا لحفله ومعنا
بنت أختي ولما وصلنا وخلعت عبايتي حتى شافت بنت أختي الشنطه وقامت تسحبها بقوة
وهي تقول ( حقت ماما هاتيها ) !!! وأنا أحاول أسكتها... !!!


و وحده تقول .. زوجي كان عنده ضيوف على العشاء وحطيت العشاء كله لهم وكان ولدي
يبي يتعشى قلت له: إذا خلصوا الرجال بنتعشى.. رحت أصلح لهم الشاهي .. راح ولدي
دخل على الضيوف وقال لهم ( لا تخلصون العشاء لأنا بنتعشى أنا وأمي بعدكم ) !!!
شوفوا وجه أبوه وقتها ....!!!


وحده تقول ....بنتها دايم تحرجها بنقل الكلام قدام الناس – هذا عيب اللي يحش
بالناس - تقول : مره كنت أكلم صديقتي بالهاتف وكنت أقولها عن وحده من جاراتي
وإني ما أطيقها دمها ثقيل وإذا جت تجلس عندي بالساعات في بيتي وتحب الكلام
الكثير ومره دق الباب وطلعت جارتي قلت لها : تفضلي وجتها بنتي الصغيرة وقالت
بصوت عالي : يمه هذي جارتنا اللي دمها ثقيل واللي إنتي ما تحبينها !!! طيب ليش
تدخلينها البيت ..!!! تقول الأم : صار وجهي مية لون ..!!!! ويوم سمعت جارتي هذا
الكلام زعلت وطلعت من البيت ....!!!