من حبك خسرت اغلى الاصحاب

مماراق لي

دخيل الغلا اللي راح واللي وقف مرتاب

بسميه عشقٍ وأنت مـدري وش تسميـه

ودخيل العيون اللي عليها الحلاا جذاب

تشوف الولع فيهم ولا تدري وش تاليـه

دخيل المكان اللي جمعنا ولا هو إعجاب

إذا لي معـزه طـاري البعـد لاتطريـه

لو تشوف وضعي عند ماتلتقي الاهداب

لـك لـو لـك نيـةٍ بالجـفـا تلغـيـه

أنا وأنت غايب كن وسط العيوون ترااب

تنام الخلايق ولا أنا النووم مالـي فيـه

ذبحني غلاك اللي سرى مثل سم الدااب

طفح بالعـروق وكـل ماوافقـه ينهيـه

بقى قلبي اللي ماذبحته وأهو منصـااب

أنا ادري تبي تستوطنـه يومـك تخليـه

سكنته وأهو عمره قفل بالوجيه البـااب

أنا أعرف قلبي لاعشـق لارحـم واليـه

يجي كله من أقصاه ويحب بأستغـراب

وفا فيه ماهو مع بشـرر ليتـك إداريـه

ترفق على قلبٍ تلـوع بـك ولا تـاب

تعـذب ولامنـه نـوى البعـد مايمديـه

تمكنت به حيث الولع مثل غرس الناب

مصيبتك تدري بس ليـه المفـارق ليـه

ودخيل الجمال اللي تلافت له الارقـاب

وأنا اللي لفتني زينـك وجيتـك مباريـه

تمعنت فيك وجيت هايب وانـا ماهـاب

ولاقفيت عنك إلا وأنـا هالغـلا معطيـه

عليك العيون اللي لهن فعل غزو عقاب

ضعيفات خلقٍ بس ياويـل مـن تنويـه

ولك نور وجه(ن)كن لك بالنجوم أنساب

وليل عجز من طووله الكف لا يسرريـه

ولك مبسم(ن) ماكنه الا شفق الغيـاب

حمار(ن) من الله جمر من ولعـه ناسيـه

عبث وأنت مقبل تستفز وتثير أعصـاب

تبي تلفت الانظار منـااااك لـي منييـه

عبث وأنت مقفي تاخذ وتكسر الالبـاب

عبث جاهلٍ توه مشى فبيت مـن يغليـه

دخيلك على بعضك ولاهي بدعوى عتاب

تعيد النظر فالبعـد مـن قبـل لاتبديـه

عليك الله أكبر وأنت حكمك شريعه غاب

تجيب الطعون وتجرح الخافـق وتدميـه

وأنا أموت فيك وصال وأموت فيك غياب

وإهي موتة وحده مـع فـارق التشبيـه

ومن قال مابه موت بالحب قلت كـذاب

(جميله وبثينه) ماذبحهن مـرض ياهيـه

أحبك ومن حبك خسرت أغلب الاصحاب

أذا عاتبونـي فيـك أعتابهـم مابـيـه

أحبك حبيبي ولا تسأل عـن الاسبـاب

أنا لو أعرف أسباب حبك قـدرت أنهيـه

ألا يامعرض رجـل مغليـك للمرقـاب

أثـر بالطـوال تفـرج الهـم ياراعيـه

أنا بسألك؟؟ هو صحيح الهوىى غلاب

أنا بنصح اللي مثـل شـرّواي لايمشيـه

ومن لايحّسب بالهوى للفراق أحسـاب

لـك الله ماغنـى سلامـه يبـي يغنيـه

مثل هل دمعي وانت رايح وطرق حجاب

ومثل مارمى عبدالحليم الزهـر يرميـه

وأذا فيه بكتاب النحو للفـراق إعـراب

فهو فعل مطلق بالبشر والجفـا ماضيـه

الا ليت ربي ماخلـق بالغـرام غيـاب

وإذا فيه فرقا طـاري الحـب لانطريـه

وصح لسان شاعرها

دخيل المكان اللي جمعنا ولا هو إعجاب

إذا لي معـزه طـاري البعـد لاتطريـه

اهداء للغااالي

ذبحني غلاك اللي سرى مثل سم الدااب

طفح بالعـروق وكـل ماوافقـه ينهيـه
ماراق لي

تسلم يديك اخوووي

وأذا فيه بكتاب النحو للفـراق إعـراب

فهو فعل مطلق بالبشر والجفـا ماضيـه
نقل رائع دمت مبدع,,,,

شكراً لكل من مررر على متصفحي

تحياتي لكم