للمهترش من الاعشي مع التحيه

المشاركة الأصلية كتبت بواسطة المهترش

الاخ : الاعشى تقبل هذا الرد المتواضع

يفداك من يستهين بواجبك ومحشوم = امر تدلل ودمع العين لا تنثره
الخير واجد من الارزاق منت محروم = نجبر عضامك لو ان عضامك مكسره
لاتحضر الجني الي مايسد اللزوم = ترى جنون الاوادم نصها مصخره
الي يبا الصدر ماتكثر عليه الهموم = مايسند الوادي المدهور ويحدره
اصبر يالاعشى تجيك الصبح كل العلوم = ان كان غصنك من الارزاق فيه اثمره
ولا تريح وقل مالي ومال السموم = لاتقوم تفتح علي الباب وتسكره
واسلم وسلم يالاعشى جعل راسك يدوم = والي مايذكر بخير الناس ماتذكره

******** type="text/**********">doPoem(0)***********

تقبل ردي بصدر رحب اخوك : المهترش

صح السانك يالمهترش والمعذره علي التاخير كنت بالعمره لكن استلم طال عمرك

تعيش يالي تسد الزوم والا تزوم = والزوم ماتسد من دونه بكبر شعره
انا ادري انك تلحق للطويل وتحوم = وتضف ريشة جناحك للهوا وتنشره
لكن مالك ومال امرضخين الخصوم = ارداعت الميمنه وارداعت الميسره
اليا احتما ماقف الحراب بين السهوم = والموت روابع الفرسان تستشعره
من دونها ماثنا غير العيال القروم = الي ترد النطيح العادي وتدحره
والا انت من يالمهترش تبا تطيح وتقوم = الموت يالمهترش لاجاك ماتقدره
وكانك تفصل وتلبس من جداد الهدوم= ثوبك علي ساقك الي طال لاتقصره
اما اضف ثوبك علي ساقك وركب كموم = والا انفهق واترك القصاص والمسطره
الهرش لو يدعي بانه مفسرحلوم = يعيش ويموت حلم العين مافسره
لكن ماشره علييه ولا لعرفه نلوم = الدعوه اكبر من الي كان متصوره

******** type="text/**********">doPoem(0)***********