وجودي على بدوً رعو حومة النقيان

وجودي على بدو ٍ رعوا حومـة النقيـان=رعوا في جديد العشـب لا زاف زملوقـه

وجودي على شوف المعاشير و الحيـران=تبـاري مظاهيـر علـى القفـر مسيوقـه
نصو مرتع فيـه الشقـارى مـع المكنـان=ينز النّدى بـه مـا بعـد يبسـت عروقـه
وبنّوا بيـوتٍ و استقلّـت كمـا الحيطـان=تراها حيـاة الـرّوح و النّفـس ملحوقـه
وشبّ المنـارة متعـب البـن بالرّسـلان=وتلافـوا عليـه اللـي يحبـون منطوقـه
حمس طبخةٍ تقعد خـوا الدّايـخ العمسـان=ولا هيـب لا نيّـه ولا هيـب محـروقـه
نكبها بنجرٍ كـل مـا ظـرب زاد جنـان=ايلا من ضجر كن صوته يجيه من فوقـه
حكمها على غاية هل الكيـف و الظّفـران=بها زعفران و هيـل و أشكـال مرفوقـه
وخذاها خفيف النّفس فـي دلّـة الرّسـلان=بها رشمـةٍ فـي حقوهـا فـوق مدقوقـه
بعـد ساعـةٍ قامـت تواردهـم الـذّيـدان=ورتع كل ذودٍ عقـب مشيـه و طاروقـه
رعت كل عشبٍ خايعٍ مـا تبـي رعيـان=مـع كـل شقّـه عشبهـا تومـي عنوقـه
كساها الشّحم عقب الهزل لين جات زيـان=ورعت خايـعٍ تقطـف زماليـق غرنوقـه
فحلهـا مـع طرّافهـا و الوجيـه زيـان=كما الطّار محني و الزّبد يظـرب شدوقـه
وزانـت طبايعهـا و ساروحهـا طربـان=ايلا صااااااح لاكنها من الجـوّ مصفوقـه
والا يا وجووووودي وجد من فارق البدوان=طواه الهيـام و ثومـة القلـب محروقـه
وأنا ما ذبحني كـود مـن عودهـا ريّـان=كما غصن مـوزٍ تدبـح براسـه اعذوقـه
دقيـق المعنّـق كنّهـا قـايـد الـغـزلان=ايلا من مشت كنها مـن الحقـو منتوقـه
عليه أشقرٍ لا مـن تثعّـا علـى الأمتـان=كما مدلهـمٍ فـي الدّجـا توضـي بروقـه
أو كما ذيل شقراً هاربٍ بـأوّل الفرسـان=لهـا عـادةٍ تسبـق ولا هيـب مسبـوقـه
جرحني وراح و مكسبي منّـه الحرمـان=جداااااااااي الونين و دمعة العين مدفوقـه