خيالات و اهبال

بعد الغياب اللي ( برا )باقي الحال
وجروح قلبٍ بالهـوى حطمتنـي


وعمرٍ قضيته شاكي الهـم رحـال
وسنين راحت من عناها طوتنـي


جتني !! تبسّم تبتهج حيل تختـال
ماكنها فـي يـوم راح اطعنتنـي


وماكنها شالت من الحـزن مـوال
وماكنهـا بغيابـهـا لوعتـنـي


مدري غلا وإلا (خيالات) و (اهبال)
عقب البطا وشلون جت واذكرتني


وقالت:وقبل إتقول من عينها سال
دمع الوله والشوق بـه حيرتنـي


قلت اسمعيني يابعـد كـل الازوال
دنياي مع طول الجفـاء علمتنـي


عمر (المحبة)ماثنت عـزم رجـال
ومثلي عزيز وغيبتك مـا ثنتنـي


مات الغرام اللـي بنيتيـه وآمـال
وش عاد باقي والقصايـد رثتنـي


بطويك ماضي ما جلب غير الاهوال
خوذي بقايـا الحـب يامتعبتنـي


وراحت وكن القلب من (يمها) مال
ادري يبيها حيل .. لـو عذبتنـي