سار القلم وانتثر فوق الورق حبره

السلام عليكم ورحمة الله وبركاته

اخواني واخواتي اعضاء موقع الجميع والزوار الكرام

اقدم لكم هذه القصيده امل ان تنال على استحسانكم

سار القلم وانتثر فوق الورق حبره = وحبيت انا ادخل علي شعري ببيبانه
يا شعر ما جيت ادور منك الشهره = و لا جيتلك يا شعر بشعور فقرانه
جيتك علي عز نفسي مسرج الظفره = اللي علي إمسابق الامهار شفقانه
المهره اللي تبي تضرب بها العبره = جلبتها من خوى فكري و ميدانه
كل التجارب تزودنا من الخبره = والبيت ما ينبني من دون سيسانه
لا بارك الله بشاعر ما يجي شعره = فيه الحكم و النصايح رمز ديوانه
ما غير يطرد ورى شعر الغزل فكره = و علي دروب الحكم ما لد با اعيانه
شعر الغزل مرتفع و سط العرب سعره = لكن ليامن كتبت اكتب علي خانه
جدد قصيدك و خلك با الزمن عبره = و الحرب خلد مع الازمان فرسانه
’’صقر النصافي’’ و ’’مرشد’’ كل يعتبره = جابوا من البحر لولوه و مرجانه
قصيدهم يحكي التاريخ في ذكره = و علي غلاف الزمن يرسم بألوانه
و يا شعر أنا جيتلك مسرج لك المهره = اللي علي السبق با الميدان عجلانه
عسفتها يا شعر با الفكر و الخبره = عسفتها في وزن و أدغنت ميزانه
ما خلي الناقده تنقد مقز إبره = في شعري اللي روت به كل ضميانه
الرجل لا تنظره في كبره وصغره = بجيب بيتٍ بذهني صعب نسيانه
ما قيم الرجل في صغره و في كبره = تصرفاته دليل و منطق السانه

******** type="text/**********">doPoem(0)***********

كـــــــل الــتــجـــارب تـــزودنــــا مـــــــن الــخــبـــره

والـبـيــت مــــا يـنـبـنـي مـــــن دون سـيـسـانــه

لله درك يابو مناور صح السانك واشكرك على قبول الدعوه وتسجيلك بموقعك بموقع الجميع ياهلا

صح ابدانك و تشرفت بدعوتك و الموقع موقع الجميع مافيه شك

صح السانك على ها الكايفه بنتظار جديدك حياك الله

صح الله السانك

قمة الابداع كل الشكر لك ياخالد

تقبل مروري وسجل اعجابي

الرجل لا تنظـره فـي كبـره وصغـره=بجيـب بيـتٍ بذهنـي صعـب نسيانـه
ما قيم الرجل في صغـره و فـي كبـره=تصرفاتـه دليـل و منـطـق السـانـه
صح لسانك ياخالد مناور ابداع رائع جداً

صـح ابدانكم و تشرفت بمروركم

صح السسسانك رو و و و عه

صـح ابدانك و تشرفت بمرورك