المشاركة الأصلية كتبت بواسطة عواض الرشيدي يعطيك العافيه أخوي أبوصالح على مثل هذي المواضيع وياليت تكثر منها

ياهن من ماينعش الروح شفلي =مادمت انا موجود والنفس حيه

انا وجيع القلب ما ينعرف لي= ما نيب راعي العله الابرحيه

ياربي انك قادرٍ تنتصف لي = من واحدٍمغير زوله نحيه

غروٍ تسبب لي غرامه بقتلي= بجيده ومجدوله ونجله وغيه

يقفي ويقبل بين ولفٍ وجفلي= ياعد ويبعد نيته سدوريه

والى بغيت اعطي طرقٍ لقف لي= وارخى المليثم لين تبدي شفيه

هرج ودرج بالخطا وزهمت لي =لين اسمعه لا سمح صحية نبيه

والى بغيت اترك مجاله هنف لي= وعوت له والقلب ركب اردعيه

عزالله انه مامشى بالنصف لي= مكار سحارٍ عقوده رديه

يبغى يعسفني وهو ما انعسف لي=خطية ٍ ياكبرها من خطيه