شاعر كبير صرح شامخ شاعر صاحب حضور مميز مبدع دائما
شاعر محبوب من الجميع ولا يمكن وصف ابداعه
اليا اصطفق موج الطواريق يرسي .... يخت الزعيم ويفرقون الشواعير
انه الشاعر الكبير مساعد الرشيدي حضر في مسابقة شاعر الملك بقصيدة دينية سياسية وطنية
الا يا درانا مهد الشموس وقبلة الاسلام .... بلاد الانبياء وارض الرسالات السماويه
اليا قرب نعاسك حط راسك بالقلوب ونام .... ولا نامت عيون اهل الدسايس والحراميه
عليك الله وعهد الله وامان الله ما تنضام .... ما دام انا على وجه الحياه وشمسنا حيه
تبختر في ثمانينك ثمانين وعليها عام .... عليك البيض بالرايات مردوفه ومثنيه
تبختر في ثمانينك ولا تنشد ولا تنلام .... تجاوزت الزمن ودروبك الخضراء نداويه
بعد هذا لك العقلا بعودة سيد الحكام .... سليمن ومتعافي بعد رحلته العلاجيه
هلابك يبو متعب لا تعبت ولا ندمت ودام .... عقالن ميلته تعدل مزاج اهل السعوديه
هلا يا رمزنا الشامخ هلا يالضيغم الضرغام .... هلا يا عزوة الشعب السعودي يا سنا ضيه
من غيابك ثلاث اشهر تغربنا ثلاث اعوام .... تذوقنا بها قيض الفراق ومربعانيه
ترف قلوب اهل دارك وفي دارك ترف اعلام .... بيارق دولة التوحيد محروسه ومحميه
يلوح بطلتك عزن نخيله بالعيون الهام .... مثل سيف يلوح بيدك والعرضات نجديه
ونطول بهقوتك روس المعالي يا رفيع الهام .... ونذل بهيبتك كل القلوب المشبهانيه
يشرفنا ملك مثلك ملك شعبه وفاء وهيام .... تفرد عن ملوك الكون شرقيه وغربيه
نشوف الصدق في وجهك نشوفه شوف مهي اوهام .... ونشوف بك الطناخه والشجاعه والفروسيه
ونعرف انك على وضح النقا وانك سليل كرام .... ويعرف العالم مواقفك البطوليه
ونعرف انك سياسين محنك عبقري مقدام .... ولكن ما تصنع مثل باقي هالسياسيه
جبلك الله على الفطره بلا زيف ونفاق اعلام .... زهاك المجد يا سمح المبادي يا ابيض النيه
وكفاك السوء وكفيت السبايب وامهلتك ايام .... وحفظك الله للشعب السعودي والسعودية