المعزب شاعر والحقيقه اني من المعجبين بسلاسة بيوت هذا الشاعر وقوتها ومعرفته التامه بالحاضر والماضي وانا لاحد هذه الحظه مادري من اي عرب الا انه رشيدي فقط وهو متواجد على طول في شبكة عبس وحبيت انقل لكم هذه المسجله ارجو ان تحوز على رضاكم
ناصر خنيفر
اللي عليه يالمعزب عملته = وانما حصل شين عساكم تعذرون
طلب وسامك للا داره نقلته = ولادري علام ربوعنا مايردون
مافيه شين لجلكم مافعلته = مافيه خافي في كلامي تشوفون
حتى ابو ذيل اسمه طلبت وعدلته = وصبح على الصفرالاصايل يسمون
ولالي حسوفٍ بالعطا لو دبلته = حنا من اللي ياعطو مايمنون
وكان الوسام اللي طلب ماحملته = علي من بن اليمن لاتصبون
وضاح من حزب الاشاوس عزلته = الزيدي اللي كل يومٍ على لون هههههه
زين المزايا من فعولي شملته= لكن زيدي ينكر اللي يطيبون
وان خربة الطبخه وطارت نفلته = بالله قولولي وش اللي تورون
الرد خله وافين يافتلته= خل المغفل في في هدفنا يضيعون
وان لاح براقن صدوقن وخلته = قلي لاتنسا وان بغيتم تشدون
والخاتمه زين المثايل قفلته = في ريح ريحانن لمنهو يمرون
******** type="text/**********">doPoem(0)***********
مرد المعزب
حي الله اللي بالوفا ماجهلته=ادري وكم غيري من الناس يدرون
لو ان بيته صاحبي مادخلته=لاشك مايخفى القمر لو تحجبون
كم واحداً عن طيب ناصر سئلته=لقيتهم جمله على الشيخ يثنون
وانا عطاه اللي عطاني قبلته=واهل الوفا من ماضي الوقت يعطون
ماهو غريبه طيبك اللي بذلته=ولاضن فيه اهل الاداره يعيون
لو المعزب في محله وصلته=يذبح على شانك عيال ام حنون ههههه
ووضاح دامك يابو تركي كفلته=خله مع اللي مع طرفكم يعيشون
ليتك عن الحزب البطل مافصلته=يمكن ابعضات اللاوازم يسدون
والا ياليتك قبل عزله قتلته=من شان يبقى سر الاصحاب مصيون ههههه
عسى السحاب اللي منصب سبلته=اللي له عيون الاوادم يخيلون
يمشي منه دعب الوعر مع دحلته=لين الرغاب وطعسها منه يمشون
واليامتلا منه الشعيب ابو جلته=اللي على قيضه هل الذود يردون
شديت عن دار الهماج ونزلته=وارسلتلك مرسال والا تلفون
******** type="text/**********">doPoem(0)***********