ترى الذبايـح واهلهـا ماتسلينـي
انا ادري ان المرض لايمكن علاجه
ادري تبـي راحتـي لايابعـد عينـي
حرام ماقصرت يديك فـي حاجـه
اخـذ وصاتـي وامانـه لاتبكينـي
لوكان لك خاطرن ماودي ازعاجـه
ابيك في يديك تشهدني وتسقينـي
امانتك لايجـي جسمـي بثلاجـة
لف الكفن في يديك وضف رجلينـي
ماغيرك احدن كشف حسناه وحراجه
ابيـك بالخيـر تذكرنـي وتطرينـي
يجيرني خالقي مـن نـار وهاجـه
سامح على اللي جرى مابينك وبيني
ايام نمشي عـدل وايـام منعاجـه
همي عيالي وانا اللي في كافينـي
علمهم الديـن تفسيـره ومنهاجـه
:
اللهم ارحمها وأسكنها الفردوس الاعلى من الجنه وأموات المسلمين
سلمت ياذيب الفيافي
تقبل مروري