انا شاعر شمل وافتخر واثبت وجودي
ماني من يدعي شاعريه لـك عليهـا
خليجي واشكر الله بجنسية سعـودي
رجل واعي وطرق الجهل والله مابيها
كل عام وانتم بصحة وسلامة
الحقيقة ان عدداً من الشعراء ردوا ردود قوية ميه بالميه وهم :
الراكد...
وانا بقول لك مثل ماقـال العمـودي
ترى من يمدح النفس سلعه مشتريها
خليجي لكن انك مقيـد بالحـدودي
وغيرك ياكل اللقمه اللي مشتهيهـا
ذيب الفايافي:
وانا ذيب الفيافي وجودك مثل جودي
ومع طول المسافات واحد يحتميهـا
تراه اكبر فخر مسلم منت بيهـودي
وهـذي جامعـه للمراجـل كلبيهـا
الفارس:
لياسال المطر عقب مااوحينا الرعودي = عسى كبود الضوامي مطرها ترتويها
تــفاخـرلك بدوله على الــعالــم تجـودي = بخــيرات الرجــال الكرام انــته حديها
سعووووووووود العجوني
مايصلح سرج صقلان في ظهر القعودي == ياخيال الجهامه ماظنك تحتميها
اعرفك زين مجهلك من عاد وثمودي == ليا منك طرحت الجراده تشتويها
أحمد عبيد الهنيدي:
يموت الحلم وأنته تردد يـا وجـودي
تبي تشيب صوابرك وأنتـه تحتريهـا
سعودي مير ما أنت أكبر عيال العنودي
تحاول تسلب ثيـاب نـاس ٍ ترتديهـا
نواف الرشيدي:
قبل لاتعتزي ماعلى الشعار زودي = ليا خاصمك شاعرعلم ماقفيت فيها
وانامسلم وضد النصارى واليهودي = عبادن ماتعرف الله العن والديها
والذي ترجح عندي احمد عبيد الهنيدي
كما اذكر بأن بعض الردود قوية ايضاً لكن تختلف عن لحن ابياتي
ألف مبرووووووووووك لـــ(أحمد الهنيدي)