المشاركة الأصلية كتبت بواسطة الاعشى يالمهترش لا سريت الليل بين النجوم = وتورد العلم للشعار وتصدره تنهض حجاجك مابين امنفذين الكموم = وانا لحالي ماغير الجني امحضره اصبح سمايا فضا مابه طويرن يحوم = وانا ليا وقع العصفور ماطيره يالله ياقاسم الارزاق في كل يوم = يارازق الداب والدابه بصم صخره تقسم لنا ياالاهي من خيار القسموم = وتسهل الامر ياغفار وتيسره ******** type="text/**********">doPoem(0)***********

يفداك من يستهين بواجبك ومحشوم = امر تدلل ودمع العين لا تنثره
الخير واجد من الارزاق منت محروم = نجبر عضامك لو ان عضامك مكسره
لاتحضر الجني الي مايسد اللزوم = ترى جنون الاوادم نصها مصخره
الي يبا الصدر ماتكثر عليه الهموم = مايسند الوادي المدهور ويحدره
اصبر يالاعشى تجيك الصبح كل العلوم = ان كان غصنك من الارزاق فيه اثمره
ولا تريح وقل مالي ومال السموم = لاتقوم تفتح علي الباب وتسكره
واسلم وسلم يالاعشى جعل راسك يدوم = والي مايذكر بخير الناس ماتذكره