أعزائي زوار واعضاء المنتدى اسعد جميع أوقاتكم بكل خير وعافية
انقل لكم هذه محاورة أعجبتني وهي بين الشاعرين
الشاعرسعود العجوني والشاعرالمهترش
آمل ان تنال اعجابكم
المهترش
سلام الله ســلام المهترش والمهترش دكتور == ليامنه هــــمز جـــــمب المــــريـــض يروح متعافي
سعود العجوني شاعر ولا نذخر عنه مذخور == لو انه مثل بيــض الصــــــعو يذكـــرلي ولا يشافي
سعود
هلا يامرحبا والمهترش مهما حــصل معذور == مـــالومــه يهــــترش فيه الجــــــرب والله هــو الشافي
سعود العجوني ميخاطب العاقل بدون شعور == علــى طار الصـــعو ســـود اليــــالي تطــلــــــع الخافي
المهترش
ذبحنا خمــــس خياله ياسادســـهــم عــليك الدور == ودربـك درب ربــعـــك لاتعـــكـــر جـــوك الصافي
انا اسمع عندكم ياصـحاب ابن ردعان دن انجور == تبون المرجــله والمرجــله من حــض الاشـــرافي
سعود
ذبحت المسكنه والمسكنه ماتنحـسب ياثور == انا ثابت خــــــطى وشــــوي يرجــف قـــــلبك ارجافي
ندن النجر لهل المعرفه يالشاعر المغرور == وكان المـــرجــلــــه خــوت مــثل شـــــرواك تنــــعافي
المهترش
لوانك مـنت مشرف والله اني لكشــف المستور == واقــــــص الجـــره الي مامــحـــاها ذاري السافي
ولاكن لا لاوالله وش على الشجره من العصفور== طيور الجـــو في وقـــت العــبور اشكال وصنافي
سعود
وش الي دخل الاشراف لاتبخل على الجمهور == ابيــك تجــــيب ماعــندك وانا مـــــن دون ميقافي
مصير ملفـــق التهـــمه ليا جــاب الشهاده زور == مايدري وش يقــــول اليا كشــــفنا ستره الضافي
المهترش
انا اغض النــظر تقدير وانتــم سيلكم حادور == سعــود العـــجــوني مافيه غــــيره كامــل اوصافي
كبير الحظ مثل المهترش مايدخل المحــضور == لو المــحــــضـــور بابه ماعـــليه اجـــــنود وقافي
سعود
انا ماني غـبي دور غبي يقــولك مشكور == اعـــرف المــــهترش مافيه غـــــيره مـــنوت الحافي
ياويلك ماتمشيها على الي يجبر المكسور == تحســـــبنك مخفيــها وهـــي في راس مـــــــشرافي
المهترش
ياشاطـر ماعليك قــصور وانا ماعلى قــصور == ولاكـــن الزمـــــان الشــين مايــحــكـم بالانصافي
يعذق النخله الخضراء نبي نربط بك الكافور == على شان البدو يلقـــــون وقت الصــيف مصيافي
سعود
مدامه جايزلك هالوضــع عــطنا من الميسور == تجـــاهد واخرتــــها تمــوت ماحقـــقت الاهدافي
عرفنا المهترش من ربعنا من غابت العثمور == وانا ماقول فيه اقصـــور لو يقـــصر عن الوافي
المهترش
اهب الله يهـجدك لقمتن ما سد ت الحنجور == ابيـك اتوالف الليلــه وشـــوفـــك مـــــنت ميلا في
عساها ماتجي في ذمتك يامهندس الديكور == على شانك وشان الراس الابيــــــض شيب القافي
سعود
خطاك السو قلي وش حصل يالشاعرالمـغمور = = تدور ولف من خــــصـمك عقـب ماجابك اكتافي
نفـضت الجيب لوني على نفضه مني مجبور = = يابو حلن وسط وشــــلون ترضـــي كل الاطرافي