اخواني واعزائي اعضاء وزوارهذا الموقع المبارك بالامس القريب حللت عليكم ضيفا فرحبتم بي اجمل ترحيب كما هي عادة العربي الشهم الكريم واليوم وبعد ان انقضت ايام الضيافه فلم اعد ضيفا وانما واحد منكم ويسعدني بداية لا نهايه ان ابدأمشاركاتي
بثلاث قصائد للشاعرالمشهور عبدالله بن سبيل ارجو ان تنال استحسانكم.

يوم الركايب عقبن خشم آبانات = ذكرت ملهوف الحشا من عنايه
أخذت لي في ماضي العمر سجات = يوم الهوى قايم وأنا أتبع هوايه
يوم أن لي مع تلع الأرقاب صرفات = أبيع وأشري بينهن بالسعايه
الليل نجدع به وما مدوا أصوات =ولا خاشر الوعاد راعي الضوايه
واليوم شبت وتبت عن كل ما فات = وطويت عن كل الموارد رشايه
ألا يوم أذكر خطاة الخوندات = اللي مقاديمه تعدى الحضايه
أتجازي الهراج بغضاي وسكات =ولا تبين له سريرة وعايه
تصد عما قال من غير مجفاة = وتعرض بخد كن فيه المرايه
من آن في قلبي جروح خفيات = وأنا أخبر مابي سببه منايه
آية هوى ماهي بطب المداواة = أنا طبيب الروح مابي غوايه
يطري لي الهاجوس هاجوس الآفات =عرض لي المعبد على كل رايه
ماهي بدعه نلحق النفس شرهات = ناس عدوا قدمي وناس ورايه
لولاي أوسع خاطري بالتنهات = وأبصر بحالي من خلاي بخلايه
لأغدي كالمذهوب وأرمي بالأصوات = خبل على ما قيل راعي الروايه
بأهل الهوى من شارب الخمر شارات = وبهم من اللي يطرد الصيد شايه
شارات راعي الخمر فاقه وسكرات = والصيد ولعه ما على الله خفايه
لو أتمنى لي من المال غلات = لنفذ الغله وأحقق منايه
مير المقل ضعيف ما فيه نوهات = وراعي التمني مثل زراع طايه

لا تمحنون القلب يا عاذلينه=الأمر لله؛ والحكي مايثيبي
لاخِبِر عن باسه ولا عالمينه=يعلم به اللي للدعا يستجيبي
عامين أكنه؛يوم أنا مستهينه=ولاودي أبدي للعرب ويش غيبي
واليوم ؛ يوم إنه تبيح كنينه=فأنا محب ووجعتي من حبيبي
قالوا مرض هاتوا طبيب المدينه=قلت الشفا بشفا طبيب قريبي
لعقة عسل بين الزرار زجبينه=وحرف القران إلى تلاه الخطيبي
إن كان هو يرحم؛ والإسلم دينه=وله في نهار البعث حظ ونصيبي
يرش قلبي قبل ذوبه بحينه=عن ميتتي من سبته؛ وش يبي بي
ماهوب يرحم لارحم مبغضينه=كيه صبر ياربي إنك حسيبي
ماهو نصف كي الضنين لضنينه=بالماقع اللي ماكواه الطبيبي
عرقى على كبدي وسيمة مزينه=وأركى على قلبي ثلاث المغيبي
كان الجروح قصاص: واشيب عينه=كويت قلبه كية ماتطيبي
لاعاد عرفٍ صار بيني وبينه=أبي المروفة منه وأذهب ذهيبي
أنا له ألجا من حدا والدينه=وأطوع من العبد المليك الأديبي

يالله يا عالم جميع الغيوبي = ياللي إلى ضاقت علي الناس نادوه
أشكي عليك البدو عوج الدروبي = اللي إلى هموا لهم مربع جوه
البدو هم وظعونهم هبلوا بي = هني قلب لا عرفهم ولا جوه
شدوا وخلوني على الدار اهوبي = مثل البعير اللي عن السرح ردوه
شدوا ومدوا بالغزال العجوبي = ياليتهم من جملة الحضر خلوه
مركوبه الاشقح عريض الجنوبي = دمث المناكب للمحاويل عفوه