صباح يوم الأحد أقبل كما الليل
اليوم الأسود جعل ما الله يعيده @
كم شايب(ن) راحت دموعه هماليل
وكم من عجوز(ن) فاقده من فقيده @
وكم من خوات(ن) كفنوهن مقابيل
يالله عساهن من ممات الشهيده @
في حادث(ن) من طاح منهن فلا شيل
فجيعتن لهل الحليفه وكيده @
أثنا عشر بنتن دماهن كما السيل
لو أن كل أنسان يكتب وعيده @
ياسيدي في جوفنا حرقة الويل
متين قريه والنواقص عديده @
مستشفيات وجامعاتن خماليل
وعنا المدينه بالمسافه بعيده @
إليا لفانا الخير يأتيه تعديل
وآخر أمر مستشفي ولف قيده @
وأنتم هل الذمه ترى العمر تحصيل
يوم أن بعض الخلق وده يعيده @
نبغى السبب من دون كتمه وتهميل
قولو الحقايق وأكتبوا بالجريده @
الشاعر/مختارمعيض الرشيدي..شقيق المصابة بحادث طالبات جامعةحائل..
أنشر يامنبر الحرية ولاتحجب صوت القهر...