ياربي مادري ويش اسوي بهالحظ
من وين ماصديت حظي متردي
كل ماوصلت الشمس تجذبني الأرض
وكل مابنيت احلام حظي يهدي
الحزن في عمري مشى الطول والعرض
وانا بمكاني ارسم الحلم وردي
واخذت حلمي وقلتله عيش بالنبض
لكن زماني وقف النبض عندي
وزود على هم إذا جاء يجي ركض
حبيبتي هذي تبي اليوم بعدي
حبيبتي حبج على من فرض فرض
ماهو بديني ولا انا الود ودي
بقولج كلمة وابي تنحفظ حفظ
ومن بعدها انتي وضميرج تحدي
مو مشكلة لا مو مشكلة لا صار انا ضدي الحظ
الموت لا صرتي مع الحظ ضدي
الشاعر نصار الظفيري