كل فجر لا تنفس شكى منه العتم =وكل خلق الليل تخشى تباشير الصباح
يا أفاعي الشر بتدوسك الشمس بقدم =ابلعي نيبان سمك وحطي لك جناح
يا ليالي التيه والجهل والعقل الأصم =الزمن بيض وسود لها أقبال ورواح
وأنت يا صبح نزع لطمته ثم ابتسم =ما يضرك لو هل الليل ضجوا بالنواح
ما أحرقت شمسك جبين ولا خشم أشم =ما شكى من حرها كود عدوان النجاح
أنت عبد الله لك السيف يشهد والقلم =وانت من يفخر به العدل يا وجه الفلاح
يا الحليم الصادق الكامل بكل الشيم =الله اللي جاعلك بلسم لكل الجراح
سيدي للسقم آلام يشفيها الألم =ومن ضرى بالملح ما يقبل العذب القراح
وكل فكر لا تحجر غدا مثل الصنم =له رهابين وقرابين واتباع وسلاح
ما خلقنا الله لحود تعيش بها الرمم =ولا أمرنا نقتل الحاضر ونحيي اللي راح
في كتاب الله لنا حصن عن غي وندم =وفي حديث المصطفى ما يوردنا الصلاح