بسم الله الرحمن الرحيم
السلام عليكم اخواني يعلم الله ان يوسف يعني لي الكثير لكن عسى الله ان يرحمه كيف لا وانا وهو قد عشت انا وياه مع بعض وبيينا صلة قرابه ولكن لله مااخذ ولله مااعطى وانا لم اكتب القصيده لشي ولكن ان حزني لايعلم فيه الاالله
كل شئ لو نسيته مغتفر = مير كيف انساك ياخوي الصغير
قالو الاجواد ذا حكم القدر = قلت انا مؤمن معي فكر بصير
والنعم بالله ولله ماامر = لكن ان الحزن في قلبي كثير
يوسف انا اغليه من عهد الصغر = مير فارقني وانا دمعي غزير
الحزن ذكرى يقلبها الدهر = والهموم تمر والدنيا بخير
وكل رجال مصيره للقبر= والقصيد اصدق عبارات الضمير
يوسف حكايه على مر العمر = لو توفى باقي ن للقلب اسير
ادعي الله يرحمه رب البشر = ويسكنه جنه ولايشوف السعير
وقولو ل غازي ترى دمعي نثر = مير مارجع صغير ولاكبير
انت مؤمن جعل ماتشوف الكدر = اصبر وخل الليالي تستدير
الله انه لاينقصك الاجر = ويرحمه رب ن على عباده خبير