طال ليلك يالشتاء وآنا لحالي
ومايدفيني لباس
وكل ماقلت ابغفى انغرس بالقلب خنجر
وانقتل نوم(ن) رجيته
نزفه من احداق عيني
دمع صافي
خالطه غصه بحلقي
وارتجي شوفة حبيبي
بس ليله
ودي اغفى فوق صدره
ودي ادفى وسط حضنه
ودي اسكن وسط عينه
ودي اكسب اجر فيني
من عذاب ومن مواجع
ياحبيبي
وين ارضك ؟
وين غرسك ؟
اجدبت دنياي بعدك
اختفت بسمة شفاتي
وانتشر بالوجه حزني
صرت اطالع بالمرايا
ماأشوف الا بقايا
من عيون ومن ملامح
كلها رحت وخذيته
ياحبيبي
طالبك ارحم دموعي
لا بلاها خل دمعي
عطني نومي
لابلاها خل نومي
والله مدري وش بغيته
غيبتك سوت هوايل
صرت مدري وش ابيه
المهم اني ابيك
كلني فدوة عيونك
لو تبي بعطيك روحي
ياحبيبي
اشتكى المنديل مني
واشتكى بالثوب كمي
ومنت راضي بي تحس
في مخيلتي كلامك
بسمتك نبرات صوتك
ضحكتك نظرتك حتى عتابك
كل هذا وماتبيني ارتجي شوفك ثواني
ياحبيبي
كان ماتقدر تجيني
لاتجيني
بس شفها روحي عندك
طالبك تقضي عليها
ماأبيها
كان ماجتني بدونك
ماأبي هالكون كله
دام خالي من وجودك