أسعد الله أوقاتكم بكل خير
كل ما عندي هو لكم ، على امل ان تجد بينكم شيئاً من استحسانكم
حذاري والجمل قشه حملها وأنقصم ظهره
......................................حذاري قشه الجمال بيدينك تحطيها
ترى للصبر حد و للحدود قصاص يامهره
......................................واذا بانت جروح الوقت من يقدر يغطيها
ليا زاد الخطا منك وصاح الجرح من قهره
......................................ترى عندي حميه عالي سفوحك توطيها
جروحي لا انتخت بي من هجير الظلم منصهره
......................................أطربقها على راس الجديد وراس مبطيها
لعينك يالجروح أسطي بسيفي والفخر مهره
......................................أسوقه وأطلب العزه ورب الكون يعطيها
ترى صمت الجروح أن طال والطعنات مزدهره
......................................يجي يوم تخون الباخره نسمة شواطيها
هدوئي لايغرك..والهوى لايخدعك طهره
......................................ترى خلف السكون العاصفه ترسم مواطيها
حذاري والمطر كفك..تموت من الظما زهره
......................................حذاري لا يموت الحب والاحلام نخطيها
الشاعر/عبدالعزيز الجلادي