اعزائي اعضاء وزوار موقع الجميع موقع الشاعر غازي البراك اسعد الله جميع أوقاتكم بكل خير وسرور
أنقل لكم هذه القصيدة ومناسبتها مع العلم أنني تمنيت وضعها ومشاهدتها
بمنتدى تغطيةالحفلات والمناسبات والتقاط صور لصاحب التكريم ومن جاء معه ومن الحضور الكرام
من الزملاء والاصدقاء وللاسف تم التقاط صور بكميرة أحد الشباب الموجودين ولم نفلح بألتقاطها
لعدم وضوحها بالمره وأرجو المعذرة من الجميع وكل من اطلع أوانتظر تنزيل التغطية ولصاحب
التكريم والحضور الكرام الذين حضرو معه بهذه المناسبه تكريم الزميل القدير الذي مهما اكتب
لتعبير عنه لم اوفي بحقه الاخ القدير الاستاذ ماجد بن سعود الثبيتي العتيبي فهو من من لايستغرب
الطيب منه ولامن قبيلته فهم اهلاً لذلك حيث طلبت المساعدة بموضوع يخص شخص عزيز على
وقريب فقال نحاول ولما سأل عن الشخص وذكرت اسمه وعلم أنه شخص مني قريب ابن عمي من
واقع الاسم وهو أخي ملفي بن معيبد وهو أحد أعضاء هذاالصرح الشامخ المشرف ابوعيسى
بمنتدى قصة وقصيدةقال هذا يابو عبيدماعنه صده وعسى الله يجملنا معك ومعه وفعلاُ تجمل جمل
الله حاله راعي الطيب وأقمنا أناواخي ملفي بن معيبد مناسبه تعبير عن ما قام به وأهديت له
ماعديت لهذه المناسبه قصيدةومهما قلت من المدح فأعتبره القليل بهذا الشخص واكرراسفي على
الاطلاله والمعذره من الجميع عن التقصيرالحاصل والحقيقه فاجأني بمن حضر معه الكل منهم
يعلم الله أن يستاهل كلواحد منهم قصيده ويستاهلون المدح ويمدحهم كل رجال يعرف الرجال
واليكم القصيدة
الطيب ياماجد سعود العتيبي
الطيب ياماجد سعود العتيبي= على الر دي يصعب ويسهل لشرواك
ياللي بفعل الطيب دايم تطيبي= وكسب الجمايل والوفاء من مزاياك
جيتك هقيت وهقوتي ماتخيبي= وكل الخصال الطيبه ماتعداك
انصاك وأخصك وكب الحضيبي= وعزا لله انه ماخسر من تنصاك
وقفة لك وقفة وفاء يالعريبي= قلت وفيت وطالت الطيب يمناك
ياصاحب ماهو بأي صحيبي= ياللي بفعل الطيب سباقه اخطاك
ومن ماكر الاحرار ماهو غريبي= ياطيب(ن) بالطيب من طيب مجناك
انته من اللي ماعليهم صعيبي= ذباحت الحايل ولطامت اعداك
ساسك من الهيلا كحام الحريبي= حريبهم ماله من الموت فكاك
وابوك فعله مع بعيد وقريبي= كم واحدِ عدك بطيبه وسماك
فعله على الرخمه يذل ويهيبي= كف الندى تصعب مجاراته لذاك
فعله وهو تحت الثرى مايغيبي= تنقل روياته لذولا وذولاك
وصدق الكلام يبين مافيه ريبي= واكبر دليل انه على الطيب رباك
الله يجيره من عذاب اللهيبي= بأمر الذي بامره يدورن الافلاك
وطيبك ملكني يالاصيل العريبي= والله يساعدني على طيب شرواك
وناحفيد منزحين الطليبي= اللي تقل هداج تارد للادراك
بني رشيد الياقنب كل ذيبي= في ساعة فيها من الموت دكاك
حريبهم كانه سليم صويبي= ينقل صوابه لين يارد للأهلاك
وعون الخوي ومدلهين الغريبي= والطيب باهل الطيب بين ميخفاك
ياطيب(ن) طيبه معي مايغيبي= ادرى مقام الطيب ودراك ودراك
ياصاحب ماهو بأي صحيبي= وعسى الردي ياماجد سعود يفداك
******** type="text/**********">doPoem(0)***********
الشاعر/ابو عبيد
مبروك بن عبيد العجوني الرشيدي