محمد نور




* رشح لنا خليفتك يامعوكس عندنا مجلة رايح تصدر قريبا ونبيه مدير تحرير وبالليل يشخص عند رئيس نادينا؟
عجب السبيعي
- الخرمة

- يا كثرهم وتراهم في كل برنامج خصوصاً برامج القايلة، الناس تريح وهم ما لهم إلا مطاردة القنوات والترزز.

*عطنا العلم اللي يصبغ على الشارب يامعوكس متى يعلنون مدرب الهلال الجديد لا تقول بعد 48 ساعة؟
مزيد العتيبي
– البجادية

- العلم عند عضو الشرف الفعال.

* وش قصة اعتزال بعض الحكام يامعوكس منهم وإلا من اللجنة؟
يوسف الرفيعي
– حائل

- الله أكبر ما حد درى عنهم ولا لجنتهم كوبر ومعسكرات وآخرتها حكام أجانب.

* صجة ولجة بين التعاون والطائي على اللاعب احمد الحربي يعني ما لقوا الا هذا اللاعب اجل وش بيسوون لو يفاوضون ميسي مع بعض؟
نواف المسعود
– الرياض

- يبحثون عن الأضواء!!

* قل لي برأيك دون لف أنت مع نور وإلا مع ادارة الاتحاد وإلا مع اللي في بالي؟
خالد السالم –
تبوك

- لا مع اللي في بالي وجاكرتا بعد!!

*صراحة خوفنا لاعب الفتح الجديد سالومو اللي يهدد انه رايح يحرق شباك الفرق .. من جده والا يمزح؟
المشجع التعاون ناصر الحلو
– بريدة

- كلها الدور الأول من الدوري والصالة الدولية تحتريه وإلا الجسر أقرب له.

*سلام على الدنيا إذا لم يكن بها .. صديق صدوق وافي العهد منصفا، لمن تقول هذا البيت يامعوكس، وهل تعتقد أن (صياد) جدير بذلك؟
مساعد الفالح
– الرس

- يا أخوي ابلشتونا علاقتي أنا وصياد سمن على عسل ونحن نكمل بعضنا البعض. وهدفنا واحد وهو كشف خرابيط بعض الناس.

* صحيح يامعوكس انك ما تعرف تكتب وان فيه واحد هو من يكتب لك؟
عبدالله السرهيد
– بريدة

- يا اخوي نسينا الكتابة بعد أي باد خلك وصحن في الكتابة على دفتر ابو عشرين لا ومسطر بعد.

* ليش ما تسوي يامعوكس مثل بعض المذيعين نوب بشنب ونوب بصغبة شعر شقراء ومرة بيضاء ومرة حمراء ياخي غير شخصيتك ترانا ملينا؟
فهد الرويس
- الدوادمي

- أنا ما أتغير ولا أقلد لا هتلر ولا نابليون ولا غيره.

• العزيز المعكوس... تراك يا معكوس ما طمتنا على مستوى الهلال في الموسم المقبل خصوصاً ان الفريق ما تعاقد مع لاعبين على مستوى عال وتمسكوا بالفلتة نيفيز.
صديقك الدائم- ابو مبارك حمد الدوسري
- العزيزية- الرياض

- يا خوفي الموسم الجاي انك بتكثر أجهزة قياس الضغط والسكر وعلاجاتهما بوجود نيفيز والجيزاني والمحياني، المهم عليك بالدائري عند كل مباراة تراك بترتاح.

• صديقنا الرائع أبو العواكيس ... ليش النصر هو آخر الفرق وصولاً إلى الرياض وهو أكثر الفرق بقاء في اوروبا... ما هو السبب في رايك؟
عبدالملك المرشد
- عرقة- الرياض

- ما صدقوا لقوا البراد ما هو طباخ التمر في الرياض لكن وين يرحون مالهم إلا العريجاء.