بسم الله الرحمن الرحيم
أخواني اعضاء وزوار المنتدى
اقدم لكم هذه المحاورة وارجو ان تنال على اعجابكم
ثنيان
في محل العزوة الي تسد بكل نوب === ياسلم الله سلامن سرى ليله سرى
خابرن غازي من مطير شاعر ومحسوب === بانيله بيتن ابيض عل طلعة كرى
غازي:
في محل العزوة الي معاديها يتوب === مرحبا ترحيب يدري به الي مادرى
ندري انك ماتدرج شمال وبالجنوب === مير وصلتك الهبايب ولاعندك ذرى
ثنيان:
الزمان يدور والناس غالب ومغلوب === ماعليها شجرتن تشرب الما من الثرى
اخذينن مانبي بالسلام وبالحروب === مير سج الرجل قدام لاترجع ورى
غازي:
ياثنيان الرشيدي على كل الدروب === ان بغيت الايمنى وان بغيت الايسرى
ماتغيب الشمس لن كان ماحل الغروب === مير اشوف السوق مافيه بيع ومشترى
ثنيان:
ابتلشنا في خطيب الاوادم والكذوب === وانت ياغازي تشجع بليس الاعورى
البلد محكوم والراس واضح ومعصوب === وش نسوي في صميل المسير لانفرى
غازي:
ياطويل العمر ماحدن على الكذب مغصوب === صاحبك بالحرب ماله رهاين ويسرى
عاصبن راسك ولاكن عرضه الهبوب === مير خلك فالقرى لاتجي لام القرى
ثنيان:
انت ياغازي زمانن مضى كنت محبوب === صورتك في كل شارع تلزق فالقرى
والله اني مانويتك بذنب من الذنوب === لاتروع ثم يجريلك الي ماجرى
غازي:
ماغدالي شي واجيك وازيد الشبوب === وانت جرحك لو تداويه يبطي مابرى
الله اكبر يازمان المعارك والحوب === احد يهرج خابرن فعل واحدن مادرى
ثنيان:
الجنيه اجنيه مافيه عيب من العيوب === شارب الدخان جاب السبيل وعمرى
في زمانن فاات مالك يدين ولا جنوب === قطعوها اصحابك اهل الركاب الضمرى
غازي:
لا تخيل البرق والبرق من فوق النصوب === والله انا نعرف الي كتب والي قرى
وهاذي هي المحاورة وارجو ان تعجبكم
تقلبو تحياتي
أخوكم: الدولار