موقع الشاعرغازي البراك موقع الجميع - مساعد الرشيدي / تقبل متونك

- القصايد المنقوله (http://www.gazialbrak.com/vb/forumdisplay.php?f=109)

- - مساعد الرشيدي / تقبل متونك (http://www.gazialbrak.com/vb/showthread.php?t=6127)

مساعد الرشيدي / تقبل متونك

ياوطنا دامت أعيادك=كل عام وكلنا دونك
الفخر يقدح من زنادك=والرخا يورق من غصونك
والمدى يستلهم أبعادك=والندى يقصر من لحونك
يوم جينا نكتب شدادك=والقلوب تقول ياعونك
القصايد يوم ميلادك=يوم شافتهم يهنونك
جت تخطى فوق سجادك=وريعت في صدر مضنونك
ومن غلاك وشيمة أمجادك=تنحني وتقبل متونك
ضم صدري ضم رعادك=لالوى برقه على ردونك
لين يروى من تنهادك=ياعساني فدوة مزونك
ياوطن يسعد لي بلادك=فدوتك من لايودونك
من يخون بملحك وزادك=خان ربه قبل لايخونك
قم تنقى وألحق افرادك=بالعيال اللي يعجبونك
ماخلق من يكسر عنادك=والخوارج مايهزونك
اعثر الله حظ حسادك=لعنبوهم مايعرفونك
مادروا عن سيرة امجادك=وماأستشفوا عقد مضمونك
قادوا الظلما لميعادك=وأكتسحهم نور مكنونك
وفجروك وشفت مرقادك=جرة القمرا على جفونك
كل هذا الحسن ببلادك=وكل هذا الكون ممنونك
ماتبى شاعر من بلادك=يعشقك ويصير مجنونك

******** type="text/**********">doPoem(0)***********