سلام الله تحية نبتديها يارفيع الشان = سلام الله على شخصك واكررها واثنيها
على اعضاء المنتدى والمنتدى من خافق ٍ ولهان = تحية يفتخر فيها ضمير اللي بدا فيها
ترى من لا يلبي دعوتك ياصااحبي خسران= وانا اعزك وهالدعوة حلفت اني للبيها
اعرف اني كذا ولا كذا في خوتك ربحان = لأنك من رجال ٍ يفتخر من هو يخاويها
(والا ياليتنا مثل الاسامي في مدى الازمان ) = نموت ولا تغيرنا الحياة ولا لياليها
عباره واعجبتني قلت بكتبها بهالقيفان = عسى ربي يبيض وجه كاتبها وقاريها
وانا ضيف ٍ نظامي في نظام معزب الضيفان = واقدر واحترم كلمة معازيبي واداريها
وشاعر واحترم من يبدعون القاف بالميدان = واذا شفت القصيد واعجبتني حيل اجاريها
واذا جتني رساله مالها مصدر ولا عنوان = احللها واسمي من كتبها قبل اسميها
حروف ٍ قلتها والعذر منّك يارفيع الشان = واذا فيها قصور ٍ فالخطأ من راس راعيها