موقع الشاعرغازي البراك موقع الجميع - سج القدم لاضاق صدرك ومليت

ســـج الــقــدم لاضـــاق صــدرك ومــلـيـــت
مــــن الــظـــروف ومــــن وجـيه وجماعه

لاتـــنـــــزوي مــســـجــون فــي داخــل البيت
سافر عـــــن جـــــروح الـزمن كـم ساعه

شفــنـــي عــــن الـغــالـيــن والــناس قـفــيــت
كـــل شـــي صـــار وكان بطوي شراعه

بــــالــبـــر الـــقـــى ســكـــرتــي لاتـقـهــويـت
مـــن دلـــة الــــرســـلان كــيف وقناعه

وربــيـــع قـــلـبــي لــــلــرجــم كـــان عــديت
وجـــتـنـي بــيـوت الشعر سـمع ن وطاعه

والـــذود يــطـــرب خــــاطــري كـــل ماجيت
فــيـــه اتـــنــومـس عـــز راس وشجاعه

وغــــيـــر الـستــر والـعـافـيـــة مــاتمنيت
لانــا بــزمــان الــمــهــــزلـــة والأشــاعه

ومــهــمــا فـعـلـت وقـلـت ضحـيــة واعـطيت
وعـــن الـــردى والــذل عــنــدي مـناعه

والــلي يـبـــي قــربــي عــشانه تــعــنـيــــت
وكـــرامـــتـــي بــالــــدم مــــاهــــــي صـنــاعه

وان غــبــت لــي عـــذري واذا جــيـت سديت
وكــم واحـدن تــــلـــوي ظــــروفـــه ذراعـــه

والهرج لا مـــن زاد صــديـــت مــاوحـيـــت
يـــلــلـــي كــثـيـــر الـــهـــرج عــنـدك بضاعه

احــدن عـلــى ربـعــه شــراره وكـبـريـت
بـيــن الجــمـــاعـــه شــب نـــار الــقــطـــاعـــه

مـــر وغــثــيـــث وفــيــه حـنظل وحلتيت
لاوهـــنــي مــن قــــام وبــالــخـمــس صــاعــه

اللي لــسانه يــشــذب الـحــي والــمــيت
بــيــن الـــعـــرب يـــــذيــع مــثــــل الأذاعـــه

الله حــسـيـبــه كـــل ماصبحت وامسيت
الـلـه حـــســـيــبــه يـــوم يــســـقــط قــنــــاعـه

واحدن كـــريم وذايــع الـــذكر والصيت
يــحرص عــلى الــطولات قـــدر اسـتــطــاعـه

يضـيــق صــدر ان شاف بالوضع تشتيت
ويــفــرح لــيــا شــاف الــربـــع والـجـمـــاعه

ســـلم عــلـيــه وقــول كـفـيــت وفــيـــت
والـــذيــب مـــا يـهـــرول عـبــث ذي طــــبــاعه

ويــاذيــب انــا من جــمـلة الناس أزريت
والحـــق صـــار الــيـــــوم صـعـــب انـتــــزاعه

لا رضيت نصف القوم للنص مارضيت
تــــأ كــل بعــضهــا الـنــاس تــقــل بـمجاعه

ولاتــلــــومــنـــي يـــاذيـب بــالــبـر سجيت
بــبـــعد عـــن ازعــــاج الـبــــشـــر كـم ساعه

منقووووووووووووووول