موقع الشاعرغازي البراك موقع الجميع

موقع الشاعرغازي البراك موقع الجميع (http://www.gazialbrak.com/vb/index.php)
-   محاورات بالصوت والصوره و المــحــاورات الــمـنقـوله (http://www.gazialbrak.com/vb/forumdisplay.php?f=155)
-   -   هذه محاورة بين مرشد البذال و عبدالله الويحان و شبيب جعيلان ... (http://www.gazialbrak.com/vb/showthread.php?t=5314)

ثويمر العجوني 08-08-2009 11:02 PM

هذه محاورة بين مرشد البذال و عبدالله الويحان و شبيب جعيلان ...
 

كـــل طيـــر يشبعه منقـــورة ...

هذه محاورة بين مرشد البذال و عبدالله الويحان و شبيب جعيلان ...




مـــرشد :


يا جماعه كل طير يشبعه منقوره=والمواقف ما تجوز لواحد بالحاله
اسمعوا من واحد متبين ميسورة=ما يصير انا نخرب وقف الشياله

شبيــب :


مثل ما تذكر لا شك الملعبة محظورة=اختلط عج تطارد بينه الحيالة
كل من به مرجله ما هي عنه مقصورة=وان ركب له سابق بالضيق هد حباله

مــرشد :


كل نفس ما توافق للسنع مكبورة=والاديب اليا حضرنا ما نخبث فاله
كل طير يا شبيب رغبته بطيورة=واعرف ان الرمح مفروق عن التغزاله

شبيــب :



الرجل حاضر ما هو قدام وجهك صورة=اندبه باسمه وياقف قدمكم بالحالة
يا ابو عبدالله ترى كل على مقدورة=لا تغثبر صافي الجمة يجيك حثالة

مــــرشد :


ان وقف قدمى عزيز و وقفته مشكورة=وان قعد ما نيب للقاعد كثير ارساله
ما حضرنا خطه من خوفها مخطورة=اسمعوا علم صحيح و حاضر اقواله



جلس شبيب وقام الويحان


الويحــان :


كل مذهب يا جماعه ملحف بالدورة=لين يلقى الذاهبه ثم يروح بفاله
المعاني بينه تقدح كما البنورة=ثم كل بالمعاني واقف بظلاله

مـــرشد :


صح انا اقول القمر ما هو غبى نورة=ما يشابه مثل ضوح نجيمه تبرى له
مثل ما قال الموصف يا عديم الجورة=يا جبيل الخير ياللي تحسن التمثاله

الويحـــان :


كان صيد قصور والله ما نظرت قصوره=كل عد تاردونه يا صلن حباله
كل خايف يوم يزمل ما يفكه سورة=والسلام عن الخطر يا اهل النظر يعني له

مـــرشد :


لا يجي قلبك حباط و فتنتك منشورة=اجزم انا ما نجيكم بالغبا ختاله
كل مرمى يا قبيلي عارفين حكورة=نفتهم معنى كلام الصدق و الحياله

الويحـــان :


والله اني بالمثل تصغيني الباكورة=وافهم العرضى يدش الاثل ما يبرى له
اشرى اللي بالمعاني ما تجيه حروره=خص لا من الرشا ركب على المحاله

مــــرشد :


والله اني للاديب انعم من البندورة=حال والاحال من جاني فتقت جلاله
واجد بالناس من يبلاك باقشر شوره=لو يشوف هبال غيره ما يشوف هباله

الويحـــان :


ويش خانه الجمل يقطع ذراعه زوره=والليالي مفرقه راحل و ذي نزّاله
ان نفس الادمى منهيه ماموره=شاب هالطاروق واندور بداله

بدرالبدر 08-09-2009 12:17 AM

رد: هذه محاورة بين مرشد البذال و عبدالله الويحان و شبيب جعيلان ...
 
مشكور

يابو ناااااااااااايف

على النقل

بيض الله وجهك

ومرشد البذال الرشيدي علم من اعلام الشعر بالكويت

نامل المزيد

تقبل

تحيتيييييييييييييييييييييييييييييييييييييييييييي

سعود العجوني 08-09-2009 01:31 PM

رد: هذه محاورة بين مرشد البذال و عبدالله الويحان و شبيب جعيلان ...
 
بيض الله وجهك يابو نايف على النقل
محاوره من الطراز القديم وشعار غنيين عن التعريف
الله يرحم الميت ويبقي الحي تقبل مروري

نواف الرشيدي 08-11-2009 05:00 AM

رد: هذه محاورة بين مرشد البذال و عبدالله الويحان و شبيب جعيلان ...
 
بيض الله وجهك يابو نايف على نقل هذه المحاوره الجميله

ثويمر العجوني 08-12-2009 06:54 PM

رد: هذه محاورة بين مرشد البذال و عبدالله الويحان و شبيب جعيلان ...
 
بدر البدر
سعود العجوني
نواف الرشيدي

بيض الله وجيهكم جميعاً
ويشرفني مروركم على موضوعي
اشكركم جميعاً تقبلو تحياتي


الساعة الآن 09:04 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi