رف طرف الرحيل.....)(ابن مدعث

السلام عليكم ورحمة الله

مساء الخيرات و المسرات وكل عام وانتم بالف خير

نغيب و نعود احتراما و تقديرا لباني هذا الصرح الشامخ
الرجل الذي اكن له كل تقدير و احترام

الشاعر : غازي مناور البراكـ

وشوقا لكم اعضاء وأداري هذا الصرح

رف طرف الرحيل بجرح ثاني=وانهمر نزف قلبي في يديني
صاح بي الموت وينك..؟ قلت كاني=وارتمى بي ووسدني ونيني
صحت وين الحبيب اللي بلاني=بالمحبة و سميته ضنيني
مت ضيقة وضيقت المعاني=والمشاريه بانت وسط عيني
وين لمَت يدينه للمحاني=ووين لهفة عيونه وآه ويني
وين ضحكة ثغره اللي سباني=ووين دافي حشاه ..ويحتويني
الله اللي على بعده حداني=والا هو من نزغ بينه و بيني..؟
الله يسامحه وانا يهداني=ما ابيله حنان ولا يجيني
عاد يوم ابتعد فيه الزماني=الله اللي على بعده يعيني
ماني بميت ان كانه جفاني=لا منقص ولا مزود سنيني
و..رف طرف الزمان بجرح ثاني=الله اللي على الدنيا يعيني

******** type="text/**********">doPoem(0)***********

صح السانك حضور شاعر مبدع

صح السانك تقبل مروري

صح لسانك ابن مدعث على هالجزله لله درك ولايضرك امتعتنا ..
تحياتي لك وتقبل مروري