سري الصغير فالتعامل مع زوجي...* صلاتك اهم مني*

السلام عليكم ورحمة الله وبركاته

اسمحولي ارجعكم شوي لثاني يوم من زواجي....
انا ما اعرف رجلي ولاعمري شفته ولاسمعت صوته...
طبيعي اني اكون بقمة الحياء....
ليله الزواج ماقلت كلمة....
وثاني يوم كذلك اول كلمة سمعها مني....








(مالك صلاة فالبيت)...

عرفت ان الرجال مايصلي لسبب....
طول اليوم مع الرجال فالمجلس وجاء فوق للغرفة
عشان يصلي المغرب فما كان يحتاج لذكاء كبير عشان اعرف انه يمثل واصلا كان واضح....
ارتبك وقال عشانك...
(طبعا عذر من الاحراج)....
قلتلة الله يجزاك خير صلاتك اهم مني....
رد قال كنت احسب انهم غشوني وزوجوني طرما
دامك تتكلمين الحمدلله....
شلون طلع الكلام مني والله مدري....
بس طبعا خيره الازواج في بداية الزواج يتعرفون علي بعض
ومن البداية حبيته يعرف اهمية الصلاة عندي....
اوقات الصلاة ان صدف انه موجود الغرفة يروح المجلس يعنني
رايح الصلاة وانا متاكده انه مهوب راكعها...
اذا جاء ينزل اقولة ادعلي لاحد ينساني ويدعي لعمره ويهملني
اقولها بجديه كاني مصدقه انه رايح يصلي....
(طبعا يعتقد اني مصدقة انه يصلي وتكون لي هيبه
افضل من يقولها بوجهي ماني مصلي وشعندك والنيه اني
باذن الله ماني مخليته بقعد وراه لين الله يهديه)....







مع مرور الشهور صار يتعذر... صلوا خلاص مايمديني
وانا اقول علي الاقل صل فالبيت واضيف وانا اضحك
صحيح مالك صلاة بس عالاقل تكون صليت الله يهديك ويصلحك بس....
احيان يصلي قدامي والاكثر يروح المجلس كنت
اقول وشحكمت ان طافتك الصلاة تصلي فالمجلس
مايرد علي وانا ما اجادل....
(اذا جاء مجال ووقت مناسب مهم جدا جدا يكون الوقت المناسب)....
ابين الاشمئزاز من الانسان اللي مايصلي
وشلون الوحده تقدر تقعد معه....
وابين ان اللي يصلي انسان نظيف مريح يشعرها بالامان....









كلمة دايما اقولها ومازلت....
(انت راضي علي)....
اقولة ابيك ترضي علي عشان ادخل الجنه....
(طبعا هالشي لسببين ارضاء لغروره باني اظهر اهمية رضاه
الشي الثاني ربط جميع امور حياتنا فالدين)....


يتبع....