محاوره جرة بين الشاعر عبدالله الاشرم والشاعر صياد الاسيحم الخياري
صياد الاسيحم
سلامي سلامٍ فيه علم وبراهين 000 سلامٍ يصحي نايمٍ من منامه
يا عبد الله الأشرم ترى الشعب قسمين 00 وشعبك هم اللي يدركون الزعامه
عبد الله الاشرم
هلا مرحبا بك يا كبير السلاطين 00 وقسمك من أعلا المجد ذروت سنامه
لامنك كسبت الروس جتك الكراعين 00 ومن رافقك تحرم عليه الندامه
صياد الاسيحم
يدوم البقا يا سيفنا بااللقا الشين00ليامن ولد اللاش ضيع كلامه
لاوني سمعت اللي تبع تركي الفين 00 ما جيتك ياحماي العرب والجهامه
عبدالله الاشرم
الا ياعزيز القوم سقم المعادين 000 تراني من اعلومك رميت العمامه
لو الراي واحد مستحلت فلسطين 00يابو نجد حنا مانبا الاالسلامه
صياد الاسيحم
احد ضربته باالراس في فارع العين 00 يطيح العدو منها ويبطي مقامه
مانشفق على اللي ضربته باالموالين 000 ليا قابل الأجناب طاحت عظمامه
عبدالله الاشرم
ترا اللي يحب الهون مايخلص الدين 00 لاونه مسلح والفشق في حزامه
وترى المسكنه ماتروم غير المساكين 00 وراس الشجاعه مايروم الرخامه
صياد الاسيحم
تشوف الثنين اللي سروا فبل عامين 00 الاول علامه والمرافق علامه
لهم ثالثٍ على اتفاقه وراء الصين 00 ولهم رابعٍ يحوم جوف العسامه
عبدالله الاشرم
اشوف الثنين اللي سرو فالهم شين 00 عسى الله يلوم اللي رضاء بالملامه
ترى مثلهم طبق الاصل ثالث اثنين 00 ورابعهم اللي مثل وصف النعامه
صياد الاسيحم
لنا اربع سنين يلوح بارق ولايبن 00مطرها ماناش الارض جوف الغمامه
وعرفت ان برق الصيف يرهق مقيمين 00 ولاكن حصيله مايبل العدامه
عبدالله الاشرم
عسى الله يجيب الغيث حين بعد حين 00 صدوق الخيال اللي نشا من تهامه
ويعل الديار ويخضرن البساتين 00 وعلى جاله الوبال يبني خيامه
حاصل على ترخيص من وزارة الثقافه والاعلام السعودي
محاورة الاشرم وصياد الاسيحم
العرض العادي
