اقرب شاعر متمكن

سلامي سلام رجال بالعرف مايحتاج = على المنتدى واللي يزورون صفحاته

ليابان نور البدر وش حاجتي بسراج = اطفي سراج البدو واطفي علاماته

جايك الرد يالواصل

اصبح على الجميع بالخير واعتذر لاصدقائي واحبائي في موقع الجميع عن غيابي الطويل لضرفي الخاصه وهاانا اعود لكم واوعدكم بالجديد واشكر كل من راسلني شكر خاص


واسمع يالواصل


هلامرحبا ترحيب وصفه مثل هداج = من الشاعر اللي ماقصر دون هقواته

على الدرب نقطه مايتعدالها الدراج = لوانه ثلاث ايام والليل ماباته

يدوم البقا والليل لايقتفيك اخلاج = ترى الشر اشوفه تو ماباان حزاته

ترى الحرب يابعيد الهقاوي بدون سياج = قبل لايوريك الزمن قشر صكاته

تهرج مدامك بالسعه ياولد هراج = ولاعندي الاسيف ينسل باوقاته

ترى سيفك اللي في يدك من زمن منعاج = ولانته من اللي تذبح الجيش رمياته

ترانا مع الدربين مانضيع المنهاج = ياواد العسل ياللي مع الغير نحلاته

اقول اطلب الله بالصلاه ومع الحجاج = يسهل دروبك لان كل ن ونياته

من يعرف مدخاله عرف طرقة المخراج = ياواد الزهر ياللي عطى العود غاياته

ماني منهي الطاروق ياصاحبي باحراج = عسى صاحبي ماتذبحه كثر نكباته


تشرفت باللعب معك يالواصل وتصبح بالف خير

وانت من اهل الخير يابعيد الهقاوي وعوده موفقه وننتظرك والى لقاءات اخرى

ماقصرتم الله يعطيكم العافيه

الواصل وبعيد الهقاوي بيض الله وجيهكم على هذا الطاروق
تقبلو ودي وتقديري