قد يختفي رونق القصيدة بسبب الخصوصية
أو عدم إرضاء الذائقة الكريمة بما جادت به
القريحة .. وإليكم هذه المتواضعة
:
يا طيوف الدُّفِّ دقّـِّن طبـِّلن لي=ودِّي أكتب في حبيب ٍ لي مقاله
راعي الرمش الظليل..وخشم سِلِّي=ش اللي آخذ ويش اخلّي من جماله
لا حليب النستله أو با مِجلي=ماشِرب من ثديها..لاجاء مجاله
شارب ٍ حد الفِطام و حِلِّ حَلـَّي=لين قام يقشِّرك يَ (البُرتقالة)
البنات و ذوقهن عندك يولّي=لِنّك إنك سيدة صاحب جلالة
وانك إنك شيخة ٍ والكلِّ كلّي=بك وقار وبك دلال ٍ في أصاله
إشتكي من ظلمهن ما يشتكن لي=حالهن مع من تشيّخ فيه ِ ماله
عطـِّرينا يا زهور الورد فليِّ=واكتبي قصة غرامي في عُجاله
مو غرام اللي يرحب ما يهلّي=مو غرام اللي يسمونه (طمالة)
صادق ٍ لك بالمحبه والغلا اللّي=لو أقوله .. قالواآلانذال (هالة)
فارش ٍ بي سكتك ديباج زلّي=مدخِلك في وسط قلبي ياغزاله
وشو اللّي..ليه ِ ماقلتي وش اللّي=قلت لك: ياشين ِ حب ٍ به نذاله (:
يالرهيفة فدوتك .. كلّي و ملّي=يا عنود ٍ عشت ِ حلمه في خياله
وشو اللي شنهو اللي ايه ياللي=هرجة ٍ به طرد ِ ذيب ٍ ب العدالة
ياجماعة خبّروني..عشقة ٍ لّي=دالهه في دوّها ترعى حلاله
غافله في وقتنا اللّي ما يخلّي=كلِّ دود ٍ في عميق الأرض طاله
مستمره ب الكرم دايم تِهلّي=طيبة ٍ فيها قليل ن من خَبَاله
افهموني وافهميني وافهم ن لّي=ياسمو .و. ويا..سيادات البطالة
السناعيس الطنايا عزوة ٍ لي=دون شك وْلا يساورْه إحتماله
الكرم في غيرنا لا زم يقلّي=وارِثينه من سلاله في سُلالة
أدري انك ياغرامي فاطن ٍ لي=إنني سكران حبك .. للثمالة
حايل ٍ لّي حائل ٍ لّي حايل ٍ لي=يا غرام ٍ ما بغيت احد ٍ بداله
شوفه اللي يشرح الصدر المعلِّ=يبري اللي حالته والحال ِ حاله
كل وقت مع شذاها .. مستقلي=لِنِّ قلبي كلِّ دمعه تسد بكى له
عقده اللي مع بهيج ٍ من هاكاللي=والرعيلة خشم اجا واطول جِباله
واسمر ٍ شرق ٍ ل اجا هاكاالمطلّي=شعلة ٍ للجود ِ من عصر الجهاله
والتفت لعيون سلمى لاخوة ٍ لي=ما شكوا للبعد في عم ٍ و خاله
اللحيسة: لقمة ٍ أكبر من اللّي=جاد به منهو يمينه مع شماله
ردِّدوا في كل طعس و كلِّ تلّي=يالله إنك إن تِحَيّه كيف حاله
زيِّ بعضُه في محلك في محلّي=لنها بين الجميله و الجمالة
والجماله من نصوح ٍ صافِط ٍ لي=لو يقدم لي نصيحة من خِلاله
عن كسور ٍ في طوا ريق ٍ بدن لي=أو معاني في حرامه أو حلاله
اُمّاانا: عنّي بعضها جايزن لي=وال بقيه..جايز ٍ لأهل الشكاله
اقتباس:
المشاركة الأصلية كتبت بواسطة مرووووقتها حرام تقول عنها متو و اضعه الا رو و و و و وعه صح السانك ويالبا السناعنيسس
صح الله بدنك
تسلمين تسلمين سيدتي الفاضلة
.
.
.
.
.
.
.
.
اقتباس:
المشاركة الأصلية كتبت بواسطة جاك شيراك
الكـرم فـي غيرنـا لا زم يقلّـي
وارِثينه من سلالـه فـي سُلالـة
عن ساقط الهرجة نطق الملاطيـم ومن طاح فيها مارحمنـا مطيحـه
كفو .... كفو .... كفو
.
.
.
.
.
.
.
اقتباس:
المشاركة الأصلية كتبت بواسطة سعود العجوني
اُمّاانا: عنّي بعضها جايـزن لـي
وال بقيه..جايز ٍ لأهـل الشكالـه صح السانك يابو حنان ونعم فيك وبربعك وساع الطعون كبار الصحون قصيده جميله جدا
النعم فيك وفي لابتك الله يطول بعمرك
ويبارك لك فيه
صح الله لسانك
.. سلمت ودمت يالعبسي
.
..
...
شكراً لجنابكم الكريم أحبتي
و
كل عام وأنتم بألف ألف ألف خير
بعد الزحمة
حاصل على ترخيص من وزارة الثقافه والاعلام السعودي
يا طيوف الدُّفِّ ِ دقـِّن طبـِّلن لي
رد: يا طيوف الدُّفِّ ِ دقـِّن طبـِّلن لي
.gif "bgfd")
.. كفو ..
العرض العادي
