الاخوة والاخوات اعضاء منتدانا الشامخ معذرة عن طول الغياب لاسباب يعلمها الله وانتم خير من يعذر بعد الله تعالى وإليكم هذه المتواضعة
علمتنـا الليالـي بالخطـأ والصـواب@ واقتنعنا بـرأي اللـي شرهنـا عليـه
واحمـد الله لقينـا لأسئلتنـا جــواب@ اقدر اقول حصلنـا بعـض مـا نبيـه
التعامل مع الدنيـا والانفـس حسـاب @عامل الطـرح ناتـج جمعـه بمبتديـه
يعني ان شككوا في حسبتـك لا تهـاب @ابدهامـن يسـار ورقمـك ومـا يليـه
هكذا تنجح الحسبـه وتكسـب ثـواب @في الفطين اللبيب وفي البليـد السفيـه
اكثر الانتقاد اللـي يحـوش الشبـاب @من حريص(ن)زوى نفسه وكفكف يديه
لايجـدد قديـم ولا يـقـدم خـطـاب @ولا يسانـد خطيـب ولا يشجـع نبيـه
واكثر الصمت يخر في الصدور التهاب @والكلام احترامه حسـب مـا يحتويـه
ولو ربطنا الرساله في جناح الغـراب @ينتقدنـا الشبيـه ولا انتقدنـا الشبـيـه
فلسفـه مخمليـه جعلـهـا للـذهـاب @مبتلـي النـاس يلقـى واحد(ن)يبتليـه
التجارب على الفئـران فيهـا عقـاب @يعني يعاقبون الفـأر مـن غيـر ليـه
ودامها نافعـه تبريرهـا فـي الكتـاب @راعي العرف يقنـع بالكـلام الوجيـه
الشاعر /غليص ابن رماح