ماعاد لك يا جمس في خاطري كرت
مـن يــوم سـاقـوك الغـشـم والوراعـيـن
وانـا اشهـد انــي مـنـك عـزلـت دبــرت
ماعـاد اطالـع فيـك فـي طـراف العـيـن
الجمس
الله واكـــبـــر يـالـدلـيـهــي تــكــبـــرت
خليتـنـي شـفـك بـركــب السـيـاديـن
ماهـوب بحـقٍ يــوم عـنـي تنـكـرت
تلعب بي الورعان وسط البلادين
الخالدي
جار الزمن ياجمس فيك وتعثرت
ولا نسيـتـك يــوم جـمـع المحـبـيـن
واليـوم روح كنـك اليـوم مـاصـرت
مادام وقتك يجمع الزين والشيـن
الجمس
اسـرفــت فـيـنـي يالـدلـيـهـي وعــــزرت
اسرفت بي سرف اليهود الفلسطين
اذكـــر زمــــانٍ فــــات كــانــك تــذكــرت
حكمك علي حكـم الرجـال السلاطيـن
الخالدي
فـكــرت فـيـمـا فـــات يـاجـمــس فــكــرت
وعديت نفسـي مـن حسـاب الخباليـن
كـــم مـــرةٍ ضـيـقـة صـــدري وبـنـشــرت
والناس ما تاقف على الدرب ماشين
الجمس
كــــم لـيـلــةٍ فـيـهــا زعــلــت وتــكـــدرت
وسريت بي بالليل والنـاس ممسيـن
فــي مطلـبـك يالخـالـدي مـــا تـعــذرت
رفيق صافي لك على العسر واللين
الخالدي
هــي هــات كــم ليـلـه عليـنـا تبـعـثـرت
وكم ورشةٍ مضى لك فيها اسبوعين
هـــذي اعـلـومــك كـلـهــا مــــا تـغـيــرت
غربلتـنـي واشقيتـنـي ديــن فــي ديــن
الجمس
يعنـي خـلاص اتقـول يالخالـدي بــرت
يـــوم انــزلــو بـالـمــدن كــــل الـبـداويــن
يــامــا وردت الــعــد وامـــــرار صـــــدرت
مـع الوعـر تعشـيـق فــي ثـالـث اثنـيـن
وســـط الـغـمـاره مـــع ولـيـفـك تــخــدرت
وبدر الغريب اجاري الصوت صوتين
الخالدي
يالـعـنـبـوك اركــــد تــرانــي تـفــجــرت
كـل العلـوم السابقـه جبتـهـا امنـيـن
مسكت نقطة ضغف فيني ودمـرت
الـبــر لا تـطـريـه لا تـطــري الـزيــن
خـلاص انـا قـررت شـاريـك قــررت
خل السوالف ذيك ياجمـس بعديـن
وبذبـح بـدل حلـفـي كـرامـه وكـفـرت
والناس لو تزعل انا وانت راضيـن
وتمشي بي الدنيا وانا مـا تطـورت
ابيع واشري جمس خلفه اقزوزين