أنت ساكن وسط قلبي والبشر كلهم ضيوف

{ انت ساكن وسط قلبي و البشر كلهم ضيوف ّ)~ لابغيت اوصف غرامك ماتكفيني الحروف ،، ولابغيت اوصف غلاتك خان باحساسي الكلام حبي لك يانور عيني فاق بالحب الوصوف ،، حبي لك اكبر من اني اوصفه بشوق و غرام.. شفت لو مجنون ليلى يرجع و حبي يشوف ،، اشهد انه يعترفلي حبه من حبي ظـلام لو انا بسابقه بالحب والله اني اطوف ،، هذا لو انه تحدى ادري بيطلب سلام لانه عارف ان حبي ماسكن في وسط جوف ،، لابشر لاجن قبلي ولابعد مليون عـام لو روحي في هواك تروح ماجاني حسوف ،، ولا يجيني احساس ان حبي على مثلك حرام طيفك اللي لالفاني قلت ياحي الطيوف ،، يابعد ربعي و خلاني وبعد كل الانام انت ساكن وسط قلبي و البشر كلهم ضيوف ،، انت في عيني وربي احلى من بدر التمام احلف بخالق جبل..وادي .. سهل..ويا كهوف ،، اني والله كل ماشفتك عيـوني ماتنـام اسهر اتخيل عيونك وارتجف ماهو بخوف ،، ولا هو برد (ن) ياحبيبي رجفتي حب و هيام واقضي كل الليل اناظر صوره و عيني تحوف ،، ليتك انت اللي بجنبي ماهي صوره و السلام تدري لو الناس كلهم وقفوا ضدي وقوف ،، والله اني ماتركتك يوم ولو زاد الملام جيت برتب غرامي وصفت اشواقي وصوف ،، من كثرها ياحبيبي فيني اختل النظام روف في قلب (ن) يحبك يابعد خلاني روف ،، تكفى لاتقسى على قلبي انا بعدك حطام واعرف اني لو رحلت بيوم من سبة ظروف ،، يعني برجع مثل مايرجع الى البيت الحمام في النهايه لي كلمة وكلها اربع حروف ،، بس والله انه معانيها ماتعدي أي كلام ايه "أحبـــك" دام عندي انتهت كل الوصوف ،، مالقيت الا أحبــــك شفتها احلى ختام..

يعطيج العافيه انين الصمت علي النقل الجميل

رائعة حروفك وطرحك
لك كل الود

يسلموووو ع مرووووركم الرائع

لكم كل الود والاحترام :انين الصمت

صح ىلسان شاعرها
ولاهنت يا من نقلها
رائع دائما بمواضيعكـ
وماقصرت

والله يعطيكـ العافية

تقبل مروري