مرثية بالامــــــــير عبد الرحمن بن بعيـــــــــــجــــــــان بن عجــــوين رحـمه الله

قصيدةرثا بالمغفورله بإذن الله أمير قرية بدائع العرادية الشيخ/عبد الرحمن بن بعيجان بن عجوين الرشيدي رحمه الله

ومهما قلنا بابو مساعد والله أنه قليل سواء من رثاء اومدح رحمة الله عليه وعلى أمواتنا وأموات المسلمين جمعياً

مأجور ياعمي ونا مـعـك مأجور= يــجــبر عـزانا الله بشـيــخٍ فــقدناه
شيخ ٍ من شيوخٍ القـبيلة وله دور= اســمه ينــومـس كـل ماحـــل طرياه
شيخٍ لنا في شـدة الوقـت مذخور= شيــخ حــوت خـصــايل الطـيب يمناه
ابو مساعـد بالقـسى قبل هالدور= لاشــانت الايــام يــعــرف ونلــقاه
طيبه مع الاقـصى والادنين مخبور= كـم واحـــدٍ طيــبه يـــعـده وسماه
طيبه وذكره مع هل الطيب مشهور= متبــيـنٍ وسـهــيل تــعــرف حلاياه
كم واحد جاله من الوقـت معسور= علــيه جــار الوقــت والــهــم جلاه
من جاه ضايق لامـشى منه مسرور= لون هــمـه كــبر نــجــد المسماه
وسط المضـيف اللي من اسنين وعصور= رمـز الكـرم يضــرب به امثال من جاه
قـولت هـلا والواجبه ماتبي شور= والعــود الازرق والــدلال المــمــلاه
عديم قومٍ مـع هل الطـيب مذكور= فـقيــد طــيب وبالقـبيــله فـقـدناه
ياالله ياللـي تـنزل الفـلك والطور= ياعــالم بالــخــلـق ماشــي يخـفاه
أطلـبك ياللي تولـج اللـيل بالنور= وبأمــرك ظــلام اللــيل بالنـور تـمحاه
يامن جعـلت المـوت حق وما ثور= للآدمـــي لـوعــاش لابــد يلــقاه
ياالله عساه بروضـة العين والحور= تجـعـل نعــيــم الخـلـد هي دار مثواه
وذنبه عساه برحـمة الرب مغفور= وتـمـحــى عنه ماسـجــلت من خطاياه
وظـلام قـبره بـدله عـنه بالنور= وسـع بــقـبره راع الــطـيـب والجاه
وعـسى البـقاء بعياله اللي لهم شور= وعـقب الحـرار احرار تمشي على اخطاه
ويابو طلال اقول ماجـور ماجـور= ويـجـبر عـزانا الله بشـيــخٍِ فـقــدناه

******** type="text/**********">doPoem(0)***********

الشاعر / مبروك عبيدبن عقيل العجوني

صح لسانك يابوعبيد وبيض الله وجهك
على هالمرثيه الطيبه

والله يرحم الشيخ عبدالرحمن بن بعيجان
رحمةٍ واسعه وعزالله انك صادق يابوعبيد
ان كل مايقال بابومساعد من مدح يعتبر قليل
تقبل مروري

لاهنت يابونايف وبيض وجهك هالشهادة اللي افتخر فيها منك
وانا احد تلاميذ مدرستك الشعريه
والكل يشهد بالامير عبد الرحمن بصفاة الطيب والكرم والخصال الحميده
رحمه الله
اشكرك على المرور والتعليق على المشاركة لاهنت

تسلم يابوعبيد علي هذة المرثية الرائعة ويستاهل ابو مساعد / رحمه اللة رحمة واسعة .......... مع تحيات ابوفيصل ............

صح لسانك يابوعبيد وبيض الله وجهك
على هالمرثيه الطيبه

الله يرحمه ويجعل قبره روضةً من رياض الجنه واموات المسلمين
عزالله قول وفعل رحمه الله
صح السانك يابو عبيد والله يطول عمرك على طاعته

اقتباس:
المشاركة الأصلية كتبت بواسطة دغيم حامد
تسلم يابوعبيد علي هذة المرثية الرائعة ويستاهل ابو مساعد / رحمه اللة رحمة واسعة .......... مع تحيات ابوفيصل ............


ومن قال سالم والامير ابو مساعد يستاهل ولايوفيه الشعر مهما قلنا ولاكن نقول الله يسكنه فسيح جناته
لاهنت على مرور
ياشاعر دغيم بن حامد
واخوي ابوفيصل

اقتباس:
المشاركة الأصلية كتبت بواسطة وليد البراك
صح لسانك يابوعبيد وبيض الله وجهك
على هالمرثيه الطيبه




صح بدنك اخوي وليد وجهك ابيض
لاهنت على المرور ويشرفني ذلك

اقتباس:
المشاركة الأصلية كتبت بواسطة غازي البراك
الله يرحمه ويجعل قبره روضةً من رياض الجنه واموات المسلمين
عزالله قول وفعل رحمه الله
صح السانك يابو عبيد والله يطول عمرك على طاعته





ابو يوسف تقبل ماقلت وقلنا له ولاموات المسلمين جمعياً
ولاعليك زود وصح بدنك ولعل عمرك طويل على طاعة الرب
واشكرك الله يبيض وجهك على الكلام الطيب والمرور الذي يشرفني
وعلى وضع المشاركة بالبنر
تحياتي لاهنت

يامال الجنه
صح السانك يابو عبيد