(ياعلاوي نجد) لشاعر عيد ابن مربح

ياعـلاوي نجـد علـيـك مـراديـم السـحـاب=ديـرةٍ فيهـا تربيـت يــوم انــي صغـيـر
ياطبيـب النفـس وشــو عــلاج الأكتـئـاب=أعطني وصفة علاجـه تـرى وضعـي خطيـر
عشت في غربة حقايـق وفـي وضـع اغتـراب=والتجـارب عرفتنـي علـى الـشـي الكثـيـر
شفت ناسٍ ترسم الورده علـى صـدر الغـراب=والغـراب أليـا بغيـت ألمـس الـورده يطيـر
أستفـدت مـن الذيابـه ومـن نبـح الـكـلاب=وأستفدت مـن الرغـا وأستفـدت مـن الهديـر
ولاكسبـت إلا معـرفـة عزيـزيـن الجـنـاب=ولاخسـرت إلا معرفـة عديمـيـن الضمـيـر
أقتـرب لامقتـرب شيـن بـعـض الأقـتـراب=ابتعـد لامبتعـد شيـئ فــي حـقـي كبـيـر
ياسؤالـي كـل ماطرحـك ماألقالـك جــواب=مالي إلا الصبـر وأهـل الصبـر توعـد بخيـر
وصف خبلان الرخا مثـل ضحضـاح السـراب=يفـرح العطشـان شوفـه يحسـب انـه غديـر
للردي لو هو ولـد عـم لاتحسـب لـه حسـاب=كـم عزيـزٍ ذلـه الوقـت بضيـافـة حقـيـر
الــدروس أنــواع تطبـيـق والا أنتـسـاب=بـس أنـا اللـي طبـق الـدرس قـدام المديـر
يا (غريب )أن مت شلني اليـا هـاك الهضـاب=حـط قبـري بيـن عنتـر وأبـن عمـه زهيـر
حطني في مقبرة **(( عبس))** مروين الحراب=حطني بأعلى علم **(( عبس))** مروين الشطير
وان عسـرك الوقـت نطلـع ونرجـع للتـراب=ويـــارث الأرواح الألاه الأول والأخـيــر
اول الدنيـا طـرب وأوسـط الدنـيـا عــذاب=وأخرتهـا المـوت والقبـر وحسـابٍ عسـيـر
ياجـزيـل المـلـك ياكـافـل رزق الـنـيـاب=ياإلاهـي مـن عذابـك برحمـتـك أستجـيـر

******** type="text/**********">doPoem(0)***********