خمس عذاريب بقبيلة عتيبه

قصة الشمري وعذاريب عتيبه
ومناسبتها هي :
كـــان الـجـنـدي ثــامـر بـــن فــلاح بن شامان الـشـمري
فــي دوره عـسـكريه
مـسـؤولـهـا الــمـقـدم تـريـحـيب الـعـتـيبي .
وقد تعرض الجندي ثامر لإطــلاق نــار غـيـر مـقـصود ومـكـث عــدة ايــام فــي الـمـستشفى.
وعــاد بـعـد ان تـمـت دوره زمـلائـه وتـمـكن مــن الـتـخرج مـعـهم فأرسل والده
فـــلاح بـــن شـامـان الـشـمري هــذه الـقـصيده:

ســلام مـنـي للمـقـدم تريـحـيـب
اعـداد مـا خـط القلـم بـيـد كـتٌـاب
وعداد مـا غنـوا هـل الفطـر الشيـب
بأرضٍ خليه مـا بهـا غيـر الاعشـاب
وأعـداد مـا ذعـذع نسيـم الهباهـيـب
وأعداد مـا سجيـت رجلـي للاقـراب
ما هي غريبه منـك يـا كاسـب الطيـب
حليـاك مـن نجـمٍ تبـيـن ولاغــاب
شريف ما يدخـل علـى ساسـك العيـب
من يفعل الحسنـا بالاجـواد مـا خـاب
لقيـت بالعتـبـان خمـسـة عـذاريـب
الطيـب والنخـوه وتقـديـر الاجـنـاب
دون الخوي يـا طـون حـر اللواهيـب
وان حـدت الدنيـا يفكـون الانـشـاب
فرد عليه: تريحيب بن سويلم العتيبي قائلاً:
حي الكتاب اللـي مـن الشمٌـري جيـب
قولـهـا بالـصـدق مـانـي بـكـذاب
يـا مرحبـا عـد النجـوم المراقـيـب
ترحيـب مشتـاقٍ ليـا شـاف الاحبـاب
بكتاب ابـن شامـان رجـل المواجيـب
فيـه الجواهـر بيـن صايـغ وحسـاب
بنيـت لـه بأقصـى ضميـري دواليـب
هذا الرصيد اللـي كنزتـه وراء البـاب
مـن شـأن ثامـر يرخصـن المطاليـب
خوينـا الطيـب لـه الحـق غـصـاب
خوينـا ننصـاب مثلـه لـيـا صـيـب
نمرض معه ونطيـب مثلـه ليـا طـاب
يا عـل مـا يفتـق علـى مثلـه الجيـب
والله يجيـره مـن صواديـف الاسبـاب

وصح الله لسان الشمري على قول الحق بقبيلة عتيبه وهذي عذاريبهم وصح لسان الشاعر تريحيب العتبي
امل ان ينال اعجابكم النقل
تقبلو تحياتتتتتتتتتتي

يعطيك العافيه
نقل رائع
تقبلو مروري

لقيـت بالعتـبـان خمـسـة عـذاريـب
الطيـب والنخـوه وتقـديـر الاجـنـاب

يعلم الله لاني خايف ولامغصوب كلمة حق ان الهيلا اهل نخوه واهل فزعه
والف نعم في جميع القبائل العربيه
وصح السان الشمري ومن لايشكر الناس لايشكر الله
صوت جزل والصدى جزل
مشرفنا الرائع الشاعر ابو عبيد
ماهو غريب منك هذا المجهود انت من الشعراء الذين يبحثون
عن كل ماينفع المجتمع العربي

ولاعليك زود يابو يوسف انت ومثالك نتعلم منهم
ولعنا على خطاهم نسير
لاهنت على المور

يستاهل كل الخير والمدح المقدم ترحيب العتيبي والنعم في الاجواد بعتيبه ولاقصور فيمن عندنا من ربعنا كلهم

وصح السان ابن شامان الشمري وماقصر

الله يعطيك العافيه على هذا النقل الرائع يابوعبيد

قصيده راائعه
يسلمووو
فيصل البراااك

يستاهل كل الخير والمدح المقدم ترحيب العتيبي والنعم في
الاجواد من عتيبه ومن جميع القبائل

وصح السان ابن شامان الشمري وماقصر

الله يعطيك العافيه على هذا النقل الرائع يابوعبيد

والله كلها نيران مولعه
شمر اهل قيمه وعتيبه اهل قيمه
ولاهي غريبه منهم مثل هاذى
لاهنت على الطرح تحياتي

عزالله ان عتيبه هذي العاذريب اللي فيها الهيلا ولاتهون قبيلة شمر
وجميع القبائل وعيال الحمايل
لاهنت يابو عبيد دائما مبدع ومتألق

مشكوووووور والله يعطيك الف عافيه